Sign In 
ពេលដែលអ្នកចាប់ផ្តើមគិតពីកត្តាដែលអ្នកត្រូវការដើម្បីកសាងអាជីវកម្មមួយនោះ អ្នកជៀសមិនផុតពីអារម្មណ៍ស្ត្រេសទេ ព្រោះវាមានចំណុចសំខាន់ៗជាច្រើនដូចជាប្រភេទអាជីវកម្ម ផលិតផល និងសេវាកម្ម ការផ្សព្វផ្សាយ និងសេវាកម្មអតិថិជនជាដើម។
សហគ្រិនដែលជោគជ័យជាមនុស្សដែលគិតបានវែងឆ្ងាយ និងអ្វីដែលពួកគេត្រូវធ្វើដើម្បីសម្រេចបានគោលដៅទាំងនោះ ខណៈដែលយល់ដឹងពីវិធីល្អៗក្នុងការពង្រីកអាជីវកម្មរបស់ខ្លួន។ ប្រសិនបើអ្នកស្ថិតក្នុងចំណោមអាជីវករដែលកំពុងស្ត្រេសច្រើនរឿងលុយ អ្នកអាចសាកល្បងអនុវត្តតាមយុទ្ធសាស្ត្រខាងក្រោមនេះបានដើម្បីកាត់បន្ថយអារម្មណ៍ទាំងនោះ៖
១. ពង្រឹងទំនាក់ទំនងរបស់អ្នកជាមួយលុយ
រឿងហិរញ្ញវត្ថុមិនតែងតែផ្តល់នូវការស្ត្រេសដល់មនុស្សទេប្រសិនបើអ្នកយល់ពីគោលដៅរបស់វាបានច្បាស់លាស់។ ប្រសិនបើអ្នកជួបការលំបាកក្នុងការបង្កើនការលក់ អ្នកត្រូវចងចាំថាអ្នកមិនព្យាយាមលក់ឲ្យមនុស្សគ្រប់វ័យ និងប្រភេទទេ។ តែអ្នកត្រូវពិនិត្យមើលមនុស្សដែលអ្នកចង់ទាក់ទាញឡើងវិញ និងមនុស្សដែលអាជីវកម្មរបស់អ្នកអាចជួយដល់ពួកគេបាន។
ក្រៅពីនេះហើយ អ្នកអាចពង្រឹងទំនាក់ទំនងរបស់អ្នកជាមួយលុយបានដោយអប់រំខ្លួនឯងពីរឿងហិរញ្ញវត្ថុដូចជាតាមការអានសៀវភៅ វគ្គសិក្សាខ្លីៗ វីឌីអូអប់រំ និងមធ្យោបាយសិក្សាផ្សេងៗទៀត។ ប្រសិនបើអ្នកមានសមត្ថភាព អ្នកអាចរកអ្នកជំនាញដើម្បីជួយផ្តល់ទីប្រឹក្សាដល់អ្នកនិងរៀបចំផែនការសម្រាប់អាជីវកម្មរបស់អ្នកបាន។ តែប្រសិនបើអ្នកស្គាល់មនុស្សជិតស្និទ្ធដែលមានជំនាញ និងបទពិសោធន៍ផ្នែកនេះ អ្នកអាចសាកល្បងទាក់ទងសួរយោបល់បានដែរ។
២. រៀបចំផែនការសម្រាប់ថ្ងៃមុខ
មនុស្សមួយចំនួនចាប់ផ្តើមអាជីវកម្មមួយដោយខ្លួនឯងព្រោះពួកគេមិនចង់ធ្វើការឲ្យអ្នកដទៃ ឬចង់ធ្វើអ្វីដែលខ្លួនស្រលាញ់ចូលចិត្តជាដើម។ ប៉ុន្តែអ្នកត្រូវតែមានផែនការហិរញ្ញវត្ថុច្បាស់លាស់សម្រាប់មើលថែអ្នក និងក្រុមគ្រួសាររបស់អ្នក។
អ្នកអាចទុកថវិកាមួយចំនួនសម្រាប់ពេលមានអាសន្ន និងថវិកាមួយចំនួនទៀតសម្រាប់ការវិនិយោគនិងបង្កើនទ្រព្យសម្បត្តិដើម្បីអាចសម្រេចបានគោលដៅផ្សេងៗក្នុងជីវិត ៕ ផ្ដល់សិទ្ធដោយ៖ កោះសន្តិភាព
