ខ្សែប្រយុទ្ធចំណូលថ្មី Timo Werner ដែលក្លឹបតោខៀវទើបតែទិញមកពីក្លឹបអាល្លឺម៉ង់RB Leipzig ក្នុងតម្លៃជិត ៥០លានផោន បានចំណាយពេលតែ៤នាទីប៉ុណ្ណោះក្នុងការរកគ្រាប់បាល់ ក្នុងការប្រកួតមិត្តភាពរវាង Chelseaនិង Brighton កាលពីចុងសប្តាហ៏កន្លងទៅ។

ការបង្ហាញទម្រង់លេងដ៏ទាក់ទាញនេះហើយ ទើបធ្វើអោយគ្រូបង្វឹកក្រុមតោខៀវ លោក Frank Lampard ពេញចិត្តនិងសរសើរកីឡាករសញ្ជាតិអាល្លឺម៉ង់រូបនេះមិនដាច់ពីមាត់។

 Lampard និយាយថា៖ “ខ្ញុំគិតថា Timoគឺមុតស្រួចណាស់។ គាត់បានស៊ុតបញ្ចូលទីនៅដើមតង់។ គាត់បានបង្ហាញនៅគុណភាពរបស់គាត់ ដែលខ្ញុំដឹងយ៉ាងច្បាស់ថាគាត់មានពិតប្រាកដមែន។ ខ្ញុំពិតជារំភើបពេលដែលមានគាត់ក្នុងក្រុម។”

គួរបញ្ជាក់ផងដែរថា Chelsea ត្រូវបានគេចាត់ទុកជាក្រុមមួយដែលអាចនឹងប្រជែងជើងឯកPremier League បាននារដូវកាលក្រោយដោយសារតែការទិញចូលនៅកីឡាករល្អៗជាច្រើនដូចជាTimo Werner នេះក៏ដូចជា Ziyech, Thiago Silva ជាដើម។

ប្រភព៖ Goal

from： https://tnaot.com/km/m/detail/article/9645660