Sign In 
តម្លៃប្រេងឆៅ នៅលើពិភពលោក បានកើនឡើងបន្តិច កាលពីថ្ងៃទី២២ ខែមិថុនា ឆ្នាំ២០២០ ខណៈប្រទេសមួយចំនួនចាប់ផ្តើមដំណើរការសេដ្ឋកិច្ច ក្នុងប្រទេសរបស់ខ្លួនឡើងវិញ បន្ទាប់ពីបានបន្ធូរបន្ថយការរឹតត្បិតប្រឆាំងវីរុស។ 
តម្លៃប្រេងឆៅ បានស្ថិតនៅលើចំណុចខ្ពស់ជាង៤០ដុល្លារក្នុងមួយធុង គឺជាតម្លៃខ្ពស់បំផុត ក្នុងរយៈពេល៣ខែកន្លងមកនេះ នៅលើទីផ្សារពិភពលោក ។ កំណើនតម្លៃប្រេងនៅពេលនេះជាប់ទាក់ទងជាមួយប្រទេសមួយចំនួនបានចាប់ផ្តើមលើកលែងការរឹតត្បិតប្រឆាំងវីរុសកូវីដ១៩ ។ សកម្មភាពធ្វើចរាចរណ៍ដឹកជញ្ជូន និងពាណិជ្ជកម្មនៅក្នុងប្រទេសទាំងនោះចាប់ផ្តើមដំណើរការ និងមានសន្ទះ ឡើងវិញ ។ 
តម្លៃប្រេងនៅពេលនេះ បានកើនឡើង៣ភាគរយ ស្មើ ៤០,៤៦ ដុល្លារក្នុងមួយធុង។ កាលពីគ្រាមុនតម្លៃប្រេងឡើងថ្លៃខ្ពស់ ជិត៨០ដុល្លារក្នុងមួយធុង ។ ប៉ុន្តែនៅពេលជំងឺកូវីដ១៩រាតត្បាត តម្លៃប្រេងបានធ្លាក់ចុះរហូតដល់ ៣៦,៩៨ ដុល្លារក្នុងមួយធុង ៕ ប្រែសម្រួលដោយ៖ thach yat
