Sign In 
អ្នកទស្សនវិជ្ជាផ្នែកព្រះពុទ្ធសាសនាបានលើកឡើងថា ជីវិតយើងនេះពិតជាត្រូវការព្រះពុទ្ធ ព្រះធម៌ ព្រះសង្ឃខ្លាំងណាស់ដើម្បីអប់រំស្មារតីក្នុងផ្លូវល្អ ផ្លូវស្ងប់សុខ ។
ប៉ុន្តែការដែលអ្នកខ្លះពោលត្មេះតិះដៀលធម៌ ឬតិះដៀលព្រះពុទ្ធសាសនាថាយ៉ាងនេះឬយ៉ាងនោះ ក៏ព្រោះគេមើលព្រះពុទ្ធសាសនាតាមតែសភាពសើៗខាងក្រៅ ហើយគេមិនបានសិក្សា មិនបានពិចារណាឲ្យស្គាល់ច្បាស់ពីសេចក្តីពិតតែប៉ុណ្ណោះ តែបើគេស្គាល់ច្បាស់ យល់ច្បាស់នូវព្រះពុទ្ធសាសនាតាមការពិត និងបានក្រេបរសជាតិនៃព្រះធម៌ឲ្យបានជារឿយៗហើយនោះ គេមុខជារីករាយស្រឡាញ់ព្រះធម៌ ស្រឡាញ់ព្រះពុទ្ធសាសនាស្មើដោយជីវិតពិតជាមិនខាន ។
ដោយហេតុថា ព្រះធម៌មិនដែលប្រដៅមនុស្សឱ្យឆ្ពោះទៅរកសេចក្តីទុក្ខទេ ព្រះធម៌តែងអប់រំទូន្មានសត្វលោកឱ្យប្រព្រឹត្តតែអំពើល្អ គឺផ្លូវឆ្ពោះទៅរកសុគតិភព ដែលជារសដ៏ប្រសើរ ។ ផ្តល់សិទ្ធដោយ៖កោះសន្តិភាព
