Sign In 
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា រថយន្តឡិចស៊ីស RX300 មួយគ្រឿងបាត់ជិត២ឆ្នាំ ស្រាប់តែម្ចាស់ដើមប្រទះឃើញរថយន្តគាត់ចតនៅមុខរោងចក្រ ក៏បានប្តឹងសមត្ថកិច្ចនាំយករថយន្ត និងម្ចាស់រថយន្តថ្មីយកទៅសួរនាំ បង្កឱ្យមានការភ្ញាក់ផ្អើលកាលពីម៉ោង៤និង២០នាទីល្ងាច ថ្ងៃទី៣០ ខែសីហា ឆ្នាំ២០២០ នៅទល់មុខរោងចក្រមួយកន្លែង ស្ថិតនៅតាមបណ្ដោយផ្លូវបេតុងផ្សារដីថ្មី សង្កាត់ស្ទឹងមានជ័យ៣ ខណ្ឌមានជ័យ ។
សេចក្តីរាយការណ៍បន្តថា ម្ចាស់ដើមរបស់រថយន្តខាងលើមានឈ្មោះ ហម ស៊ាងហុង ភេទប្រុស អាយុ៥៤ឆ្នាំ ស្នាក់នៅខុនដូរជួលមួយកន្លែង ក្រោយវត្តស្ទឹងមានជ័យ ស្ថិតក្នុងភូមិមានជ័យ១ សង្កាត់ស្ទឹងមានជ័យ ខណ្ឌមានជ័យ ចំណែករថយន្តដែលបាត់ម៉ាកឡិចស៊ីស RX៣០០ សេរី២០០០ ពណ៌ស ពាក់ស្លាកលេខ ភ្នំពេញ 2Y 2397 ។ រីឯម្ចាស់ថ្មីរបស់រថយន្តឡិចស៊ីសមានឈ្មោះ វ៉ន សាវន អាយុ៤២ឆ្នាំ មុខរបរកម្មកររោងចក្រ ស្នាក់នៅផ្ទះជួល សង្កាត់ស្ទឹងមានជ័យ៣ ខណ្ឌមានជ័យ ។
តាមសម្ដីម្ចាស់ដើមរថយន្តបានឱ្យដឹងថា កាលពីយប់ថ្ងៃទី៩ ខែកុម្ភៈ ឆ្នាំ២០១៩ រូបគាត់បានបើករថយន្តឡិចស៊ីសខាងលើចេញពីផ្សារអ៊ីអន២ នៅម្តុំខណ្ឌសែនសុខ ត្រលប់មកខុនដូនៅក្រោយវត្តស្ទឹងមានជ័យ ស្ថិតក្នុងភូមិមានជ័យ សង្កាត់ស្ទឹងមានជ័យ១ ខណ្ឌមានជ័យវិញ ។ លុះពេលមកដល់ខុនដូរូបគាត់ក៏ហុចសោរថយន្ដឱ្យទៅសន្តិសុខ ដែលយាមនៅទីនោះ ដើម្បីងាយស្រួលរ៉ឺយ៉ែរថយន្តចេញ-ចូល ចំណែករូបគាត់ក៏បានឡើងទៅដេកបាត់ទៅ ។
ម្ចាស់ដើមរថយន្តខាងលើបន្តថា លុះព្រឹកឡើងនៅម៉ោង៨ព្រឹក រូបគាត់បានភ្ញាក់ពីដំណេក ហើយចុះទៅយករថយន្ត ដើម្បីជូនប្អូនទៅផ្សារ ក៏ស្រាប់តែបាត់រថយន្តរបស់គាត់ ចំណែកសន្តិសុខដែលយាមកាមនៅទីនោះក៏បាត់ខ្លួនដែរ ។ ក្រោយពេលបាត់រថយន្តភ្លាមៗ រូបគាត់ក៏បានទៅដាក់ពាក្យបណ្ដឹងនៅប៉ុស្តិ៍នគរបាលស្ទឹងមានជ័យ១ ដើម្បីឱ្យសមត្ថកិច្ចជួយស្រាវជ្រាវរករថយន្តរបស់គាត់ ព្រមទាំងឱ្យក្រុមហ៊ុនសន្តិសុខ ដែលយាមខុនដូនោះ ទទួលខុសត្រូវផងដែរ ។
ម្ចាស់ដើមរថយន្តបន្តទៀតថា តាំងពីបាត់រថយន្តរហូតមក ក្រុមហ៊ុនសន្តិសុខមិនបាន ទទួលខុសត្រូវនោះទេ ស្រាប់តែនៅម៉ោង៤និង២០នាទីល្ងាច ថ្ងៃទី៣០ ខែសីហា ឆ្នាំ២០២០ នេះ រូបគាត់បានជិះម៉ូតូចេញពីកន្លែងកាត់សក់ ស្រាប់តែប្រទះឃើញរថយន្តឡិចស៊ីស RX៣០០ របស់គាត់ បានចតទុកនៅលើចិញ្ចើមផ្លូវមុខរោងចក្រមួយកន្លែង ស្ថិតនៅម្តុំផ្សារដីថ្មី សង្កាត់ស្ទឹងមានជ័យ៣ ខណ្ឌមានជ័យតែម្តង។
ម្ចាស់រថយន្តបន្តថា ក្រោយមករូបលោកក៏បានប្តឹងសមត្ថកិច្ចឱ្យចុះទៅអន្តរាគមន៍ និងហៅបុរសម្នាក់ដែលជាម្ចាស់ថ្មីរបស់រថយន្តខាងលើនេះមកប៉ុស្តិ៍នគរបាលស្ទឹងមានជ័យ១ ដើម្បីសួរនាំផងដែរ ។
នៅចំពោះមុខសមត្ថកិច្ច បុរសជាម្ចាស់រថយន្តថ្មីដែលជាប់ពាក់ព័ន្ធក្នុងការទិញរថយន្តខាងលើបានឱ្យដឹងថា រថយន្តឡិចស៊ីស RX៣០០ ពណ៌ស នេះ គឺរូបគាត់បានទិញពីបុរសម្នាក់ កាលពីថ្ងៃទី១២ ខែសីហា ឆ្នាំ២០២០ ក្នុងតម្លៃ១១៩០០ដុល្លារ ហើយការទិញរថយន្តនេះ គឺមានឯកសារគ្រប់គ្រាន់ផងដែរ ។
ដោយឡែកឯកសារដែលម្ចាស់រថយន្តថ្មី ទើបនឹងទិញនេះ សមត្ថកិច្ចពិនិត្យឃើញថា ជាឯកសារក្លែងក្លាយ ចំណែកម្ចាស់រថយន្តដើមមានឯកសារពិតប្រាកដ ។ ក្នុងករណីនេះផងដែរ ខាងម្ចាស់រថយន្តដើម ក៏បានសំណូមពរឱ្យសមត្ថកិច្ចជួយចាត់ការតាមពាក្យបណ្ដឹងដែលបានប្តឹងទុក គឺប្តឹងក្រុមហ៊ុនសន្តិសុខដែលធ្វើឲ្យបាត់រថយន្តរបស់គាត់ ។
នៅចំពោះមុខសមត្ថកិច្ច បុរសជាម្ចាស់រថយន្តថ្មីដែលជាប់ពាក់ព័ន្ធក្នុងការទិញរថយន្តខាងលើបានឱ្យដឹងថា រថយន្តឡិចស៊ីស RX៣០០ ពណ៌ស នេះ គឺរូបគាត់បានទិញពីបុរសម្នាក់ កាលពីថ្ងៃទី១២ ខែសីហា ឆ្នាំ២០២០ ក្នុងតម្លៃ១១៩០០ដុល្លារ ហើយការទិញរថយន្តនេះ គឺមានឯកសារគ្រប់គ្រាន់ផងដែរ ។
ដោយឡែកឯកសារដែលម្ចាស់រថយន្តថ្មី ទើបនឹងទិញនេះ សមត្ថកិច្ចពិនិត្យឃើញថា ជាឯកសារក្លែងក្លាយ ចំណែកម្ចាស់រថយន្តដើមមានឯកសារពិតប្រាកដ ។ ក្នុងករណីនេះផងដែរ ខាងម្ចាស់រថយន្តដើម ក៏បានសំណូមពរឱ្យសមត្ថកិច្ចជួយចាត់ការតាមពាក្យបណ្ដឹងដែលបានប្តឹងទុក គឺប្តឹងក្រុមហ៊ុនសន្តិសុខដែលធ្វើឲ្យបាត់រថយន្តរបស់គាត់ ។ ផ្តល់សិទ្ធដោយ៖កោះសន្តិភាព
