ជាការពិតណាស់ការហាត់ប្រាណដើម្បីចង់បានរាងស្អាតនិងសុខភាពល្អគឺតម្រូវឲ្យអ្នកត្រូវខិតខំនិងឧស្សាហ៏បន្តិច។ លំហាត់ប្រាណខ្លះបើរាងពិបាកនិងស្មុគស្មាញពេកអាចនឹងធ្វើឲ្យមានការធុញទ្រាន់និងងាយបោះបង់ពាក់កណ្តាលទី។

ខាងក្រោមនេះជាលំហាត់ប្រាណងាយៗដែលអ្នកអាចធ្វើវារាល់ថ្ងៃទោះកំពុងមើលទូរទស្សន៍ក៏អ្នកអាចអនុវត្តបានដែរ។

១. ចលនាបន្ទន់ជង្គង់៖

ឈរឲ្យត្រង់ខ្លួន កន្ធែកជើងបន្តិច រួចធ្វើចលនាបន្ទន់ជង្គង់ចុះឡើងៗ។

២. លើកបោះដុំដែក៖

ដៃម្ខាងកាន់ដុំដែកឲ្យជាប់រួចលើកបោះចុះឡើងៗ។

៣. ចលនាអង្គុយពាក់កណ្តាល៖

ឈរឲ្យត្រង់ខ្លួន ដៃដាក់ទៅក្រោយក្បាលរួចធ្វើចលនាបន្ទន់ជង្គង់ត្រឹមពាក់កណ្តាលចុះឡើងៗ

៤. ចលនាពត់ខ្លួន៖

ដេកផ្ងារទៅលើឥដ្ឋ បញ្ឈរជង្គង់ឡើងរួចពត់ចង្កេះនិងខ្នងឡើងលើ ធ្វើបែបនេះចុះឡើងៗ។

៥. ចលនាពត់ខ្លួនចំហៀង៖

ដេកផ្អៀងទៅចំហៀង រួចប្រើកែងដៃទប់ខ្លួនឡើងហើយធ្វើចលនាបន្ទន់ចង្កេះចុះឡើងៗ ដៃម្ខាងទៀតច្រត់ចង្កេះ។ កុំភ្លេចធ្វើបែបនេះដោយដូរម្តងឆ្វេងម្តងស្តាំ។

៦. ចលនាឈរលើកៅអី៖

ធ្វើចលនាបែបនេះដោយគ្រាន់តែឡើងឈរចុះឡើងៗដោយដូរឆ្លាស់ជើងឡើងម្តងឆ្វេងម្តងស្តាំ។

៧. ចលនាអាវ៉ង់លើកៅអី៖

ដាក់ជើងទៅលើកៅអី ច្រត់ដៃទាំងពីរនៅខាងក្រោមចុះឡើងៗ កុំភ្លេចរក្សាដងខ្លួនឲ្យនៅត្រង់ជានិច្ច៕ ប្រែសម្រួល៖ ឡាវែនដឺរ

from： https://tnaot.com/km/m/detail/article/9645332