កណ្ដាល៖ បុរសជាអ្នកបើកម៉ូតូនិងអ្នកថ្មើរជើងម្នាក់បានស្លាប់បាត់បងជីវិតទាំង២នាក់តែម្ដង ខណៈដែលបុរសជាអ្នកបើកម៉ូតូក្នុងល្បឿនលឿនបានជ្រុលទៅបុកបុរសជាអ្នកថ្មើរជើងពេញមួយទំហឹង កាលពីថ្ងៃទី៣០ ខែសីហា ឆ្នាំ២០២០ វេលាម៉ោង១៨និង៥៨នាទី លើកំណាត់ផ្លូវជាតិលេខ៥​ ត្រង់ចន្លោះគីឡូម៉ែត្រលេខ២២-២៣ ស្ថិតក្នុងភូមិព្រែកក្តី ឃុំព្រែកតាទែន ស្រុកពញាឮ ខេត្តកណ្តាល 

មន្ត្រីនគរបាលផ្នែកចរាចរណ៍ស្រុកពញាឮបានឲ្យដឹងថា មិនពេលកើតហេតុ ជនរងគ្រោះទី១-ឈ្មោះ​ ពិន វីរៈភេទប្រុស អាយុ៤៧ឆ្នាំ មានទី​លំនៅភូមិបុរី១០០ខ្នង សង្កាត់ទឹកថ្លា ខណ្ឌសែនសុខ រាជធានីភ្នំពេញ ជាអ្នកបើកបរម៉ូតូម៉ាកHONDA DREAM C១២៥ ពណ៌ខ្មៅ ពាក់ស្លាកលេខ ភ្នំពេញ1FF-2130បើកបរក្នុងទិសដៅពី ជើងទៅត្បួងក្នុងល្បឿនយ៉ាងលឿនលុះ

មកដល់ចំណុចកើតហេតុ ក៏មានជនគ្រោះទី២-ឈ្មោះ.កែវ សារិទ្ធ អាយុ៥៧ឆ្នាំ មានទីលំនៅភូមិឌួង សង្កាត់សំរោង ខណ្ឌព្រែកព្នៅ រាជធានីភ្នំពេញ​(ជាអ្នកថ្មើរជើង)ទិសដៅពីកើតទៅកើតលិចឆ្លងផ្លូវក៏ត្រូវម៉ូតូបុកពេញទំហឹងបណ្ដាយឲ្យជនរងគ្រោះទាំងពីនាក់ស្លាប់នៅកន្លែងកើតហេតុតែម្ដង។

ក្រោយកើតហេតុ នគរបាលចរាចរណ៍ស្រុកពញាឮបានចុះទៅដល់កន្លែងកើតហេតុ រួចពិនិត្យវាស់វែង និងកសាងសំណុំរឿងដកហូតម៉ូតូយកមករក្សាទុកនៅអធិការដ្ឋាននគរបាលស្រុក ដើម្បីចាត់ការតាមច្បាប់។ ចំណែកសាកសពទាំង២នាក់ ត្រូវសមត្ថកិច្ចជំនាញធ្វើកំណត់ហេតុប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕ ដោយ ផេង ភាព

from： https://tnaot.com/km/m/detail/article/9644849