សមាជិកម្នាក់នៃក្រុមល្បាតព្រៃ​ក្នុងស្រុក​បាន​ស្លាប់បាត់បង់ជីវិត បន្ទាប់ពីទូករបស់គេបានបុកគល់ឈើនៅជិតទំនប់ Ratchaprapha ក្នុងខេត្ត Surat Thani ​​។

ជនរងគ្រោះលោក Thanakorn Chana-aksorn មកពីអង្គភាពការពារព្រៃ Khlong Ya​ ​​​បានរងរបួសត្រង់ក្បាលខណៈពេល​ធ្លាក់ពីលើទូកនិង​លង់ទឹករហូតដល់ស្លាប់​ ​កាលពីយប់ថ្ងៃសុក្រ។ មន្រ្តីព្រៃឈើ ​ក្រុមអ្នកសង្គ្រោះ និងអ្នកមុជទឹ​​កបានរកឃើញសាកសពនៅក្នុងទឹកប្រហែល ២០ ម៉ែត្រពីច្រាំងក្នុងតំបន់ខ្ពង់រាប ​នៅម៉ោង ១១ ព្រឹកម្សិលមិញ។ ​សាកសពជនរងគ្រោះត្រូវបានបញ្ជូនទៅមន្ទីរពេទ្យដើម្បីធ្វើកោសល្យវិច័យ។ ​​

សមាជិកល្បាតម្នាក់បាន​និយាយថា ​រូបគេ និងជនរងគ្រោះ Thanakorn បាន​ជិះទូកម្នាក់មួយ​ដើម្បីធ្វើការល្បាតនៅតំបន់ទំនប់កាលពីល្ងាចថ្ងៃសុក្រ។ ​ជនរងគ្រោះជិះទូកនៅពីខាងក្រោយរូបគេ ​ប៉ុន្តែប្រហែល ៧ គីឡូម៉ែត្រក្រោយមក ​ស្រាប់តែបាត់ទូករបស់ជនរងគ្រោះ។ ​សមាជិកល្បាតព្រៃនោះបានត្រឡប់មកវិញ​ព្រមទាំងបានរកឃើញទូកដែលមើលទៅដូចជាបានបុកនឹងគល់ឈើនៅកណ្តាលទំនប់​ ហើយក្រោយមករូបគេក៏បានជូនដំណឹងទៅអ្នកដទៃទៀតដើម្បីជួយស្វែងរកជនរងគ្រោះ៕  

កែសម្រួលដោយ៖ ភារ៉ា

ប្រភព៖ the thaiger

from： https://tnaot.com/km/m/detail/article/9643355