តាមសេចក្តីរាយការណ៍នៅអង់គ្លេសបានឱ្យដឹងថា ខ្សែការពារ ​Jan Vertonghen និងអ្នកចាំទី Michel Vorm បានចុះកុងត្រារយៈពេលខ្លីដើម្បីបន្តលេងនៅក្លិប Tottenham Hotspur  រហូតដល់ចប់រដូវកាលនេះ។

កុងត្រារបស់កីឡាករទាំងពីររូបនេះ នឹងត្រូវអស់សុពលភាពនៅចុងខែមិថុនា ប៉ុន្តែ Tottenham ចង់ឱ្យពួកគេបន្តលេងរហូតដល់បញ្ចប់យុទ្ធនាការនេះ បន្ទាប់មកទើបអនុញ្ញាតឱ្យចាកចេញដោយគ្មានតម្លៃខ្លួនផ្ទេរ។ Vertonghen បានចាកចេញពីក្លិប Ajax ផ្លាស់មកលេងឱ្យ Tottenham នៅឆ្នាំ២០១៣ រហូតមកដល់បច្ចុប្បន្ននេះ រូបគេមិនទាន់ជួយឱ្យក្លិបឈ្នះជើងឯកណាមួយឡើយ។ ចំណែកឯ Vorm វិញ បានចាកចេញពីក្លិប Swansea City មកចូលរួមជាមួយ Tottenham នៅឆ្នាំ២០១៤ ហើយរូបគេក៏មិនខុសអីពីខ្សែការពារ Vertonghen ដែរ។

យ៉ាងណាមិញ នៅពេលចាកចេញ Vertonghen ​ប្រហែលជាអាចផ្លាស់ទៅ​លេងនៅលីគអេស្ប៉ាញ និងអ៊ីតាលី ខណៈពេលដែល Vorm មិនទាន់មានដំណឹងលេចឮណាមួយនៅឡើយទេ។

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9412399