Sign In 
ជនសង្ស័យម្នាក់ធ្វើសកម្មភាពគាស់ផ្ទះមួយកន្លែងលួចយកទូរស័ព្ទ លុយ និងកង់ម៉ូតូ ហើយម្ចាស់ឆែកមើលតាមកាមេរ៉ាសុវត្ថិភាពរួចបានដាក់ពាក្យប្ដឹងនៅប៉ុស្តិ៍ចោមចៅទី៣ ត្រូវបានកម្លាំងនគរបាលប៉ុស្តិ៍ចោមចៅទី៣ ធ្វើការឃាត់ខ្លួន កាលពីកាលពីវេលាម៉ោង១និង៣០នាទីរសៀល ថ្ងៃទី២៩ ខែសីហា ឆ្នាំ២០២០ នៅក្នុងភូមិអង្គ សង្កាត់ចោមចៅ៣ ខណ្ឌពោធិសែនជ័យ។ លុះ១ថ្ងៃក្រោយមកប្រទះឃើញជននោះចូលទៅកាន់ផ្ទះជួលវិញជនរងគ្រោះក៏បានខលប្រាប់នគរបានឲ្យជួយឃាត់ខ្លួនតែម្ដង។
ជនសង្ស័យដែលត្រូវចាប់ខ្លួននោះឈ្មោះ កែប ប៊ុន្នី ភេទប្រុស អាយុ២៨ឆ្នាំ មុខរបរកម្មករសំណង់ ស្នាក់នៅផ្ទះជួលក្នុងភូមិអង្គ សង្កាត់ចោមចៅទី៣ ខណ្ឌពោធិសែនជ័យ និងមានស្រុកកំណើតនៅក្នុងភូមិសូរ្យសែន ឃុំសូរ្យសែន ស្រុកព្រៃឈរ ខេត្តកំពង់ចាម ។
ក្រោយពេលឃាត់ខ្លួននគរបាលដកហូតបានវត្ថុតាងមួយចំនួនមានដូចជាកង់ម៉ូតូ១,កាំបិត២,និងពូថៅ១។ បច្ចុប្បន្នជនសង្ស័យខាងលើត្រូវបាននគរបាលនាំទៅសាកសួរនៅប៉ុស្តិ៍ចោមចៅទី៣ដើម្បីកសាងសំណុំរឿងចាត់ការតាមច្បាប់៕ ដោយ៖ ត្នោត
