ស្ថានទូតអ៊ីរ៉ង់ប្រចាំនៅវេណេហ្ស៊ុយអេឡា បានប្រកាសថា នាវាដឹកស្បៀងអាហារ Golsan ជិតចូលដល់កំពង់ផែ La Guaira​ ហើយ។ រីឯទំនិញទាំងនោះនឹងដាក់លក់ នៅតាមផ្សារទំនើបៗ នៅ​ក្នុង​ប្រទេសវេណេហ្ស៊ុយអេឡា​។

កាលពីថ្ងៃទី២១ ខែមិថុនា នាវាដឹកស្បៀងអាហារទី​៦របស់អ៊ីរ៉ង់ បានចូលដល់ដែនសមុទ្ររបស់វេណេហ្ស៊ុយអេឡា ដោយត្រៀមចូលចត នៅកំពង់ផែ​ La Guaira។ ​នាវាដឹកទំនិញខាងលើជារបស់ក្រុមហ៊ុន Mosakhar Darya Shipping ហើយបានចាកចេញពីកំពង់ផែ Bandar Abbas របស់អ៊ីរ៉ង់ ​នៅថ្ងៃទី​១៥ ខែមិថុនា​។ កំពង់ផែនោះក៏ជាទីកន្លែងដែលនាវាដឹកទំនិញ​៥គ្រឿងទៀត ចាកចេញទៅវេណេហ្ស៊ុផងដែរ។

មិនខ្វក់ពីការព្រមានដាក់ទណ្ឌកម្មពីអាមេរិក នាវាដឹកទំនិញរបស់អ៊ីរ៉ង់​ដល់ទៅ៦គ្រឿងបានដឹកស្បៀងអាហារទៅដល់ប្រទេសវេណេហ្ស៊ុយអេឡា ដោយជោគជ័យ ។ ជាមួយគ្នា​នេះអ៊ីរ៉ង់​បានផ្គត់ផ្គង់ប្រេងដល់​វេណេហ្ស៊ុយអេឡាបាន​១,៥លានបារ៉ែលផងដែរ​។

បើតាមគម្រោង ក្នុងរយៈពេល​១ខែ អ៊ីរ៉ង់​នឹងបញ្ជូននាវាដឹកប្រេងទៅកាន់វេណេហ្ស៊ុយអេឡា ២-៣ ជើង​ ដើម្បីជួយដល់ប្រទេសនេះបំពេញការខ្វះខាតថាមពលប្រេង និងសាំង​ ដោយសារតែ​ការដាក់ទណ្ឌកម្មរបស់អាមេរិក​៕ ប្រែសម្រួលដោយ៖MEO

from： https://tnaot.com/km/m/detail/article/9411789