ការប្រកួតបើកឆាកផ្លូវការក្នុងក្របខណ្ឌ័ប្រទេសអង់គ្លេសបានចាប់ផ្តើមវិញហើយ ជាមួយនឹងការប្រកួតលើកពាន Community Shield រវាងក្រុមម្ចាស់ជើងឯកPremier LeagueរដូវកាលមុនLiverpool ជាមួយនឹងម្ចាស់ពានFA Cup គឺក្រុម Arsenal។

បើកឆាកភ្លាម Aubameyang បានស៊ុតបញ្ចូលទីយ៉ាងស្អាតមុំកែងក្រោយទទួលបាល់ប៉ះយ៉ាងល្អពីស្លាបស្តាំBukayo Saka ធ្វើអោយ Arsenal នាំមុខមុនមួយទល់នឹង០។ Liverpool ខំប្រឹងវាយសម្រុកយ៉ាងខ្លាំងដើម្បីទទួលបានគ្រាប់បាល់ តែធ្វើមិនបានឡើយ រហូតដល់នាទីទី ៧៣ ទើបកីឡាករសញ្ជាតិជប៉ុន Minamino រកគ្រាប់តាមស្មើមកវិញ។

លទ្ធផល ១ទល់នឹង១ បានបន្តរហូតដល់ចប់៩០នាទី ហើយបានឈានទៅដល់វគ្គប៉េណាំងទីកាត់សេចក្តី។ គួរអោយសោកស្តាយ Rhian Brewster ខ្សែប្រយុទ្ធវ័យក្មេងរបស់ Liverpool បានស៊ុតបាល់ចំបង្គោលទី ធ្លោយ១គ្រាប់ធ្វើអោយ Arsenalឈ្នះវគ្គប៉េណាំងទី ៥ទល់នឹង ៤ និងបានលើកពាន Community Shield មុនបើករដូវកាលថ្មី។

ប្រភព៖ Sky Sports 

from： https://tnaot.com/km/m/detail/article/9641197