Sign In 
មន្ទីរបរិស្ថានខេត្ដឧត្ដរមានជ័យប្រារព្ធ «ទិវាអន្ដរជាតិសម្រាប់កិច្ចគាំពារស្រទាប់អូស្សូន»
នាថ្ងៃទី២៨ ខែសីហា ឆ្នាំ២០២០ មន្ទីរបរិស្ថានខេត្ដឧត្ដរមានជ័យប្រារព្ធ «ទិវាអន្ដរជាតិសម្រាប់កិច្ចគាំពារស្រទាប់អូស្សូន» នៅចំការឈើប្រណីត ក្នុងដែនជម្រកសត្វព្រៃសង្ឃរុក្ខាវ័ន ស្ថិតនៅភូមិថ្មី ឃុំត្រពាំងតាវ ស្រុកអន្លង់វែង ខេត្ដឧត្ដរមានជ័យ។ 
គោលបំណងធំនៃការប្រារព្វកម្មវិធីនេះឡើងក្នុងន័យផ្សព្វផ្សាយដល់ប្រជាពលរដ្ឋ និងសាធារណជន ទូទៅឱ្យបានយល់ដឹងពីផល់ប៉ះពាល់បណ្ដាលមកការបាត់បង់ ឬខូចខាតស្រទាប់អូស្សូន ដែលជាបញ្ហាសកល តាមរយៈការដាំកូនឈើប្រណីត (គ្រញូង) ជាច្រើនដើម លើផ្ទៃដី០៣ហិកតា។ 
ដោយមានការនិមន្ដ និងអញ្ជើញចូលរួមពី ព្រះសង្ឃ តំណាងសហគមន៍សង្ឃរុក្ខាវ័ន ប្រធាន អនុប្រធានមន្ទីរបរិស្ថាន មន្ដ្រីមន្ទីរបរិស្ថាន មន្ដ្រីឧទ្យានុរក្ស យុវជនស្ម័គ្រចិត្ដ ក្រុមប្រឹក្សាឃុំ មេភូមិ ប្រជាការពារភូមិ និងប្រជាសហគមន៍ជាច្រើននាក់ផងដែរ៕ ដោយ៖ ត្នោត
