មជ្ឈមណ្ឌល CCSA សន្យាថានឹងបើកដំណើរការហាងស្រា បារ ក្លិប និងកន្លែងកម្សាន្តផ្សេងទៀតនៅដើមខែកក្កដាខាងមុខនេះ។

រូបតំណាង

​​រឿងនេះត្រូវបានសម្រេចឡើងដោយមានកិច្ចពិភាក្សារវាងលោក ​Nattapol Nakpanit មន្ត្រីនៃមជ្ឈមណ្ឌលរដ្ឋបាលស្ថានភាពមេរោគកូវីដ-១៩ (CCSA) និងអ្នកតំណាងនៃកន្លែងកម្សាន្តពេលរាត្រីនិងតន្រ្តីករ។ ​កាលពីមួយរយៈមុនមានក្រុម​សិល្បៈករទោលបានអំពាវនាវ​ដល់រដ្ឋាភិបាល​អនុញ្ញាតឱ្យពួកគេវិលត្រឡប់ទៅធ្វើការវិញព្រោះការបិទទ្វារក្លិបកម្សាន្ត​យូរពេកបណ្តាលឱ្យពួកគេបាត់បង់ប្រាក់ចំណូល។ ក្រោយកិច្ចប្រជុំកាលពីថ្ងៃសុក្រលោកឧត្តមសេនីយ៍ Nattapol បាន​មានប្រសាសន៍ថា ​ក្រុមសិល្បៈករទោល​ត្រូវបានអនុញ្ញាតឱ្យចូលធ្វើការវិញ ប៉ុន្តែពួកគេត្រូវបានសង្កត់ធ្ងន់លើ​​វិធានការ​ទប់ស្កាត់ការរីករាលដាលនៃមេរោគឆ្លង។ លោកឧត្តមសេនីយ៍ Nattapol ​បានបន្ថែមថា ការបន្ធូរបន្ថយ​ជំហានទី៥ នឹងត្រូវធ្វើឡើងដោយមានឬអាចគ្មាន​ក្រឹត្យដាក់ប្រទេសក្នុងគ្រាអាសន្នសម្រាប់រយៈពេលមួយខែទៀត។ ប្រសិនបើក្រឹត្យដាក់ប្រទេសក្នុងគ្រាអាសន្នត្រូវបានដកចេញនោះគ្រប់យ៉ាងនឹងដំណើរការឡើងវិញទាំងអស់។

រូបតំណាង

ក្រឹត្យដាក់ប្រទេសក្នុងគ្រាអាសន្ននេះនឹង​នៅតែបន្តមានយ៉ាង​យូរបំផុតត្រឹម​ចុងខែនេះប៉ុណ្ណោះ ​ប៉ុន្តែ​វាក៏អាច​យូរជាងនេះផងដែរប្រសិនបើអាជ្ញាធរនៅតែព្រួយបារម្ភអំពីការរីករាលដាលនៃជំងឺឆ្លង។ ប្រទេសថៃមិនមានអ្នកឆ្លងជំងឺថ្មីក្នុងស្រុកអស់រយៈពេល ២៧ថ្ងៃមកហើយ​។ 

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9411554