តាមសេចក្តីរាយការណ៍នៅអ៊ីតាលីបានឱ្យដឹងថា អ្នកចាំទី Etrit Berisha របស់ក្លិប SPAL បានរងរបួសបាក់កូនដៃ ក្នុងអំឡុងពេលធ្វើការហ្វឹកហាត់ ដើម្បីត្រៀមប្រកួតជាមួយក្រុម Cagliari នៅសប្តាហ៍ក្រោយ។

តាមសេចក្តីរាយការណ៍របស់ក្លិបបានឱ្យដឹងថា ដៃរបស់ Berisha បានប៉ះទង្គិចជាមួយបាល់ដោយចៃដន្យក្នុងអំឡុងពេលហ្វឹកហាត់កាលពីម្សិលមិញជាមួយក្រុម។ ក្លិបក៏បានបញ្ជាក់ផងដែរថា អ្នកចាំទីរូបនេះប្រហែលជាមិនអាចវិលត្រឡប់មកទាន់ការប្រកួតដែលនៅសេសសល់ក្នុងរដូវកាលនេះទេ ព្រោះត្រូវប្រើរយៈពេលយូរដើម្បីព្យាបាល។

សម្រាប់រដូវកាលនេះ កីឡាករអន្តរជាតិអាល់បានីវ័យ៣១ឆ្នាំរូបនេះ បង្ហាញខ្លួនឱ្យក្លិបបានចំនួន ២៦ប្រកួត ហើយរក្សាសំណាញ់ទី (clean sheet) ៣លើកផងដែរ នៅក្របខ័ណ្ឌ Serie A របស់អ៊ីតាលី។

កែសម្រួលដោយ៖ ភារ៉ា

ប្រភព៖ football-italia

from： https://tnaot.com/km/m/detail/article/9407784