កាលពីថ្ងៃសុក្រ​បុរសអាយុ ៧០ឆ្នាំម្នាក់​រងការចោទប្រកាន់ថា បានបាញ់សម្លាប់ស្ត្រីមានផ្ទៃពោះរហូតដល់ស្លាប់  និង​ប្តីរបស់ជនរងគ្រោះ​រងរបួសយ៉ាងធ្ងន់ធ្ងរ​ ។

លោក ​Krit Thanathavornrit បានប្រគល់ខ្លួនឱ្យប៉ូលិស​កាលពីយប់ថ្ងៃសុក្រ ហើយបានប្រគល់កាំភ្លើងខ្លី​A38 មួយដើមដែល​ប្រើក្នុងការបាញ់​ជនរងគ្រោះ។ ​ការបាញ់ប្រហារនេះបានកើតឡើង​ភូមិ ​Soi  Sabaijai ​ឃុំ ​Yang Hak នៃស្រុក ​Pak Tho កាលពីថ្ងៃសុក្រវេលាម៉ោង២ និង ៣០នាទីរសៀល ។ ពេលដែលក្រុមអ្នកសង្គ្រោះ និងប៉ូលិសទៅដល់កន្លែងកើតហេតុ គេបានប្រទះឃើញឡានម៉ាក​ Honda Jazz ពណ៌សមួយគ្រឿង​​ធ្លាក់នៅក្នុងប្រឡាយជិតចម្ការអំពៅមួយ។

អ្នកបើកបរឡានឈ្មោះ Pitak Sukmak អាយុ ៣១ឆ្នាំរស់នៅស្រុក Muang ខេត្ត Ratchaburi រងរបួសដោយគ្រាប់កាំភ្លើងចំកញ្ចឹងកនិងដៃឆ្វេង។ ភរិយារបស់គាត់ឈ្មោះ Jindarak Khunnut អាយុ ២៨ឆ្នាំ មានផ្ទៃពោះ ៤ខែមានរបួសដោយគ្រាប់កាំភ្លើងចំនួន ៣កន្លែងគឺត្រង់ក្បាល ត្រចៀកខាងឆ្វេង និងដៃឆ្វេង។ ​ជនល្មើសបានប្រគល់ខ្លួនឱ្យប៉ូលិសនិងបានសារភាពថាគេបានបាញ់ជនរងគ្រោះដោយសារតែកំហឹងរឿងជម្លោះដីធ្លី។ ​ជនល្មើសបានពន្យល់ថា គាត់បានទិញ​ពីម្តាយរបស់អ្នកស្រី Jindarak ដែលជាជនរងគ្រោះ ហើយបន្ទាប់មកគាត់បានសាងសង់ផ្ទះនៅលើទីតាំងនោះ។ អ្នកស្រី Jindarak ​​មិនចង់ឲ្យម្តាយ​លក់​ដីនោះទេ ​។ អ្នកស្រីបានដាក់ពាក្យបណ្តឹងប្រឆាំងនឹងរូបលោក ហើយជម្លោះក៏ចាប់ផ្តើមកើតមានឡើង។ ថ្ងៃមួយជនល្មើសកំពុងនៅជាមួយជាងម្នាក់កំពុងសាងសង់ក្លោងទ្វារនៃច្រកចូលផ្ទះ ស្រាប់តែឡានប្តីប្រពន្ធរងគ្រោះបានជិះមករកគាត់។ ជម្លោះពាក្យសម្តីកាន់តែយ៉ាប់យឺនទៅ ធ្វើឱ្យលោក ​Krit ជាជនល្មើសទប់កំហឹងមិនបានហើយ​ដកកាំភ្លើងមួយដើមបាញ់ទៅប្តីប្រពន្ធទាំងពីរដែលនៅក្នុងឡាន។

ជនល្មើសបានអះអាងថា លោកមិនបានដឹងថាគ្រាប់កាំភ្លើងបាន​ត្រូវអ្នកណាខ្លះនោះទេ។ បុរសជាប្តីបើកឡានរត់គេចខ្លួន តែរថយន្ត​ជ្រុលចង្កូតទៅបុករបងផ្ទះក្បែរនោះប្រហែល ១០០ម៉ែត្រពីកន្លែងបាញ់ប្រហារ។ ឡានបានធ្លាក់ចូលទៅក្នុងប្រឡាយមួយ។ បន្ទាប់ពីបានឃើញអ្វីដែលកើតឡើង​ជនល្មើសបាន​សម្រេចចិត្តរត់គេចខ្លួននៅក្នុងឡានរបស់គាត់មុនពេលប៉ូលិសចាប់ខ្លួន។ បច្ចុប្បន្នជនរងគ្រោះកំពុងសម្រាកព្យាបាលនៅក្នុងមន្ទីរពេទ្យ Ratchaburi។

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9407438