មានសេចក្តីរាយការណ៍ថា ខ្សែប្រយុទ្ធ Federico Chiesa របស់ក្លិប Fiorentina កាន់តែកៀកនឹងការចុះហត្ថលេខាជាមួយ Manchester United ហើយ នៅរដូវក្តៅនេះ។

កីឡាករអន្តរជាតិអ៊ីតាលីវ័យ២២ឆ្នាំរូបនេះ ទំនងជាអាចផ្លាស់ទៅកាន់ទីក្រុង Manchester នៅរដូវកាលក្រោយ បន្ទាប់ពីសារព័ត៌មាន La Nazione បានសរសេរថា Man Utd កំពុងត្រៀមបញ្ចូនសំណើប្រមាណ ៤៥លានផោន ទៅកាន់ Fiorentina ដើម្បីចុះហត្ថលេខាយក Chiesa ក្នុងទីផ្សារដោះដូរកីឡាកររដូវក្តៅឆ្នាំនេះបើកទ្វារ។ គួរបញ្ជាក់ផងដែរថា បច្ចុប្បន្ន Chiesa នៅសល់កុងត្រាជាមួយក្លិបរហូតដល់ឆ្នាំ២០២២។

យ៉ាងណាមិញ Man Utd ក៏អាចប្រជែងជាមួយក្លិប Juventus និង Inter-Milan ផងដែរ ក្នុងការចុះហត្ថលេខាយក Chiesa។ សម្រាប់រដូវក្តៅនេះ Chiesa រកគ្រាប់បាល់បញ្ចូលទីបាន ៦គ្រាប់ និងប៉ះបាល់ឱ្យមិត្តរួមក្រុមទាត់បញ្ចូលទី (Assist) ៣ដងផងដែរ ពីការបង្ហាញខ្លួនចំនួន ២៣ប្រកួត នៅក្របខ័ណ្ឌ Serie A របស់អ៊ីតាលី។

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9407392