មានសេចក្តីរាយការណ៍ថា ខ្សែបម្រើកណ្តាល Stefano Sensi របស់ក្លិប Inter-Milan បានរងរបួសសាច់ដុំភ្លៅ នៅអំឡុងពេលធ្វើការហ្វឹកហាត់ ដើម្បីត្រៀមប្រកួតជាមួយក្រុម Sampdoria ក្នុងសប្តាហ៍នេះ ។

តាមរបាយការណ៍របស់ក្លិបបានឱ្យដឹងថា ក្រោយពី Sensi បានធ្វើរោគវិនិច្ឆ័យរួចមកលទ្ធផលបង្ហាញថា រូបគេមានបញ្ហារបួសសាច់ដុំភ្លៅនៅជើងខាងស្តាំ ហើយនឹងត្រូវការរយៈពេលព្យាបាលយ៉ាងហោចណាស់ពីរសប្តាហ៍។ នេះជាលើកទី៥ហើយ ដែលកីឡាករអន្តរជាតិអ៊ីតាលីវ័យ២៤ឆ្នាំរូបនេះ មានបញ្ហារបួសជាប់ៗគ្នាក្នុងមួយរដូវកាល។

យ៉ាងណាមិញ រូបគេក៏បានបង្ហាញខ្លួនសម្រាប់ក្លិប Inter នៅក្នុងក្របខ័ណ្ឌ Serie A ចំនួន១២ប្រកួត ហើយរកគ្រាប់បាល់បញ្ចូលទី៣គ្រាប់ និងបោះបាល់ឱ្យមិត្តរួមក្រុមទាត់បាល់បញ្ចូលទី (Assist) ២ដងផងដែរ។

កែសម្រួលដោយ៖ ភារ៉ា

ប្រភព៖ football-italia

from： https://tnaot.com/km/m/detail/article/9406854