ពិធីជប់លៀងមួយនៅទីក្រុងបាងកកមានអ្នកចូលរួមជិត១០០នាក់ហាក់ដូចជាមិនអើពើនឹងច្បាប់រក្សាគម្លាតរបស់រដ្ឋាភិបាល ត្រូវប៉ូលិសឃាត់ខ្លួនភ្លាមៗ។

កាលពីព្រឹកថ្ងៃសុក្រ ប៉ូលិស​ប្រចាំប៉ុស្តិ​​ Khok Khram Khram បានឆ្មក់ចូលវាយលុកអាជីវកម្មកំសាន្តមួយ​ដែលស្ថិតនៅលើផ្លូវ Pradit Manutham ក្នុងសង្កាត់បឹង Kumum បន្ទាប់ពី​មានគេ​រាយការណ៍ប្រាប់អំពីពិធីជប់លៀង ការប្រើប្រាស់គ្រឿងញៀន និងគ្រឿងស្រវឹងខុសច្បាប់។ អ្នកចូលរួមពិធីជប់លៀងមានចំនួន ៩៦នាក់ដែលក្នុងនោះមានប្រុស ៦៤នាក់ និងស្រី ៣២នាក់បាននាំគ្នារាំតាមចង្វាក់ភ្លេង​។ ក្រុមអាជ្ញាធរបាន​ធ្វើតេស្តទឹកនោម ហើយជាទទួលលទ្ធផល​គឺមាន​មនុស្សចំនួន ២៣នាក់​ ស្ថិតនៅក្រោមឥទ្ធិពលថ្នាំញៀន។

ប៉ូលិសក៏បានរកឃើញ​កាបូប​ជាង២០ ដែលផ្ទុកនូវសារធាតុ​មេតាហ្វេតាមីន​ ហើយបានបញ្ជូនទៅមន្ទីរពិសោធន៍ដើម្បីធ្វើការពិនិត្យ​បន្ថែម។ ​លើសពីនេះប៉ូលិសបានរកឃើញកាំភ្លើងដៃចំនួន ៩ដើម និងគ្រាប់កាំភ្លើងប្រវែង៩ម.ល ចំនួន ១០គ្រាប់​នៅក្នុងរថយន្តមួយក្នុងចំណោមរថយន្តចតនៅមុខក្លិប។ ​

អ្នកទាំងនោះត្រូវបានចោទប្រកាន់ពីបទរំលោភលើក្រឹត្យគ្រាអាសន្ន ហើយចំពោះអ្នកដែល​ត្រូវគេសង្ស័យថាបានសេពនូវសារធាតុញៀនត្រូវបានបញ្ជូនទៅមន្ទីរពេទ្យដើម្បីបញ្ជាក់ពីលទ្ធផលមុនពេល​ចោទប្រកាន់។ ប៉ូលិស​នឹងឃុំខ្លួនម្ចាស់រថយន្តដែល​មានផ្ទុកកាំភ្លើងផងដែរ។

កែសម្រួលដោយ៖ ភារ៉ា

ប្រភព៖ Samuitime

from： https://tnaot.com/km/m/detail/article/9404615