ផ្អែកតាមកាសែត Daily Mail បានឱ្យដឹងថា ក្លិប Newcastle United កំពុងចាប់អារម្មណ៍លើការចុះហត្ថលេខាជាមួយខ្សែប្រយុទ្ធ Patrik Schick របស់ក្លិប Roma នៅរដូវក្តៅនេះ។

គួរបញ្ជាក់ផងដែរថា ខ្សែប្រយុទ្ធ Schick ត្រូវបាន Roma ដាក់ឱ្យក្លិប RB Leipzig ខ្ចីជើងមួយរដូវកាល ជាមួយជម្រើសទិញផ្តាច់កុងត្រា ក្នុងតម្លៃប្រមាណ ២៩លានអឺរ៉ូ។

យ៉ាងណាមិញ បើទោះបីជាកីឡាករអន្តជាតិឆែកវ័យ២៤ឆ្នាំរូបនេះ បង្ហាញទម្រង់លេងល្អយ៉ាងណាក៏ដោយ  ក៏ក្លិប RB Leipzig ហាក់មិនចង់ចំណាយលើការទិញផ្តាច់កុងត្រាពី Roma ឡើយ។ សម្រាប់រដូវកាលនេះ រូបគេរកគ្រាប់បាល់បញ្ចូលទីបាន ១០គ្រាប់ ក្នុងការបង្ហាញខ្លួនចំនួន ២១ប្រកួត នៅក្របខ័ណ្ឌ Bundesliga របស់អាល្លឺម៉ង់។  

យ៉ាងណាក៏ដោយ កាលពីពេលថ្មីៗនេះ ក្លិប Newcastle ត្រូវបានគេរាយការណ៍ថា កំពុងត្រៀមបញ្ចូនសំណើផ្ទេរទៅ Roma ដើម្បីចុះហត្ថលេខាយក Schick ហើយក៏អាចនឹងត្រូវធ្វើការប្រជែងជាមួយក្លិបរួមលីគដូចជា Tottenham Hotspur និង Everton ផងដែរ ដែលសុទ្ធតែចាប់អារម្មណ៍ចង់បានដូចគ្នា។

កែសម្រួលដោយ៖ ភារ៉ា

ប្រភព៖ football-italia

from： https://tnaot.com/km/m/detail/article/9404488