ក្លិប Parma កំពុងឈានជិតដល់ការចុះហត្ថលេខាជាមួយខ្សែបម្រើកណ្តាល Ahmad Benali ពីក្លិប Crotone ដោយគ្មានតម្លៃខ្លួនផ្ទេរ នៅក្នុងរដូវក្តៅនេះ។

ផ្អែកតាមសារព័ត៌មាន Sky Sport Italia បានឱ្យដឹងថា Parma នឹងចុះហត្ថលេខាយកកីឡាករ Benali មកលេងនៅក្របខ័ណ្ឌ Serie A រដូវក្រោយ បន្ទាប់ពីចំណាយពេលពីររដូវកាលលេងនៅ Serie B ជាមួយ Crotone។ សម្រាប់រដូវកាលនេះ រូបគេរកគ្រាប់បាល់បញ្ចូលទីបាន ៧គ្រាប់ ក្នុងការបង្ហាញខ្លួនចំនួន ២០ប្រកួត នៅក្របខ័ណ្ឌ Serie B របស់អ៊ីតាលី។

មែនទែនទៅ នេះមិនមែនជារឿងថ្មីសម្រាប់កីឡាករសញ្ជាតិលីប៊ីវ័យ២៩ឆ្នាំរូបនេះទេ ក្នុងប្រកបអាជីពនៅក្របខ័ណ្ឌ Serie A ពោលគឺ រូបគេក៏ធ្លាប់លេងឱ្យក្លិបនៅក្នុងលីគកំពូលរបស់អ៊ីតាលីមួយនេះផងដែរ ដោយរួមដូចជា Brescia, Palermo និង Pescara។ មួយវិញទៀត រូបគេក៏ធ្លាប់ប្រកបអាជីពនៅក្របខ័ណ្ឌ Premier League របស់ចក្រភពអង់គ្លេសផងដែរ ដោយពេលនោះលេងឱ្យក្លិប Manchester City កាលពីឆ្នាំ២០១១។

កែសម្រួលដោយ៖ ភារ៉ា

ប្រភព៖ football-italia

from： https://tnaot.com/km/m/detail/article/9404318