កាលពីថ្ងៃសុក្រប្រទេសមីយ៉ាន់ម៉ាបានរាយការណ៍ថាមានករណីថ្មីនៃអ្នកឆ្លង​មេរោគកូវីដ-១៩ចំនួន ២៣នាក់ ដែលពួ​កគេគឺជាអ្នកដែលបានវិលត្រឡប់មកពីប្រទេសថៃ។

ក្រសួងសុខាភិបាលបាននិយាយនៅក្នុងសេចក្តីថ្លែងការណ៍មួយថា​ពួកគេបានធ្វើតេស្តឃើញលទ្ធផលវិជ្ជមាន​នៅ​ក្នុងមណ្ឌលដាច់ដោយឡែកមួយ​ក្នុងរដ្ឋ ​Kayin ប្រទេសមីយ៉ាន់ម៉ា។ លោក Thant Zin Aung ​មន្ត្រីគ្រប់គ្រងនៅខេត្ត Myawaddy ​ដែល​មានព្រំដែនជាប់នឹងប្រទេសថៃបាននិយាយថា អ្នកឆ្លងថ្មីទាំង ២៣នាក់ ត្រូវបានគេបញ្ជូនពីប្រទេសថៃទៅកាន់ប្រទេសមីយ៉ាន់ម៉ាកាល​ពីថ្ងៃទី៨ ខែមិថុនា។

រូបតំណាង

​អាជ្ញាធរមីយ៉ាន់ម៉ានិងថៃព្យាយាមឃាត់ពលរដ្ឋខ្លួនដែលនៅបរទេសកុំអាលចូលស្រុកកំណើតដើម្បីចៀសវាងការរីករាលដាលនៃមេរោគកូវីដ-១៩។ កាសែតReuters បាននិយាយថា ក្រសួងសុខាភិបាលមីយ៉ាន់ម៉ាមិនបានលម្អិតព័ត៌មានចំពោះអ្នកឆ្លងមេរោគទាំងនោះទេ។

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9404053