លោក Ronaldo ដែលមានភាគហ៊ុនជាមួយក្លិបបាល់ទាត់ Real Valladolid បានបង្ហើបឱ្យដឹងថា ប្រសិនបើក្លិបមានលទ្ធភាពគ្រប់គ្រាន់ នោះលោកនឹងចុះហត្ថលេខាយកកីឡាករ Kylian Mbappe ពីក្លិប Paris Saint-Germain ភ្លាម។

អតីតខ្សែប្រយុទ្ធរបស់ក្លិប Barcelona និង Real Madrid រូបនេះ មានគម្រោងចង់នាំយកខ្សែប្រយុទ្ធ Mbappe ពី PSG នៅថ្ងៃអនាគត ដោយបច្ចុប្បន្នលោកក៏មានភាគហ៊ុនចំនួន ៥១ភាគរយជាមួយក្លិប Real Valladolid ផងដែរ។

យ៉ាងណាមិញ អតីតខ្សែប្រយុទ្ធក្រុមជម្រើសជាតិប្រេស៊ីលរូបនេះ បាននិយាយនៅក្នុងកម្មវិធីមួយដែលឧបត្ថម្ភដោយ Santander Bank ថា៖ “ខ្ញុំនឹងចុះហត្ថលេខាយក Mbappe ប្រសិនបើ Valladolid មានលុយច្រើនដូច Real Madrid”។

គួរឱ្យដឹងដែរថា បច្ចុប្បន្នខ្សែប្រយុទ្ធអន្តរជាតិបារាំងវ័យ២១ឆ្នាំរូបនេះ កំពុងក្លាយជាដោលដៅផ្ទេររបស់ក្លិប Real Madrid និង Liverpool ដោយក្លិបទាំងពីរនេះតែងតែផ្សាភ្ជាប់ទំនាក់ទំនងជាមួយរូបគេរហូត ខណៈពេលដែលលោក Leonardo នាយកប្រតិបត្តិ PSG ធ្លាប់និយាយម្តងហើយថា Neymar និង Mbappe នឹងបន្តរួមរស់ជាមួយក្លិបទៀតនារដូវកាលក្រោយ។

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9403287