កាលពីថ្ងៃទី១៩ ខែមិថុនា ឆ្នាំ២០២០ មានប្រភពសារព័ត៌មានថៃមួយបានឲ្យដឹងថា លោក Ter Chantavit និង កញ្ញា Diana Flipo បានសម្តែងជាគូស្នេហ៍ជាមួយគ្នានៅក្នុងរឿងភាគថ្មីមានចំណងជើងថា “Help me…Khun Pee Chuay Duay”។

យោងតាមប្រភពព័ត៌មាននេះដដែលបានបន្តទៀតថា Pariit Thimthong, Prang Kannarun និង Mac Wiranakarn ក៏បានចូលរួមសម្តែងក្នុងរឿងភាគថ្មីមួយនេះផងដែរ។

លើសពីនេះទៀតអ្នកដឹងនាំរឿងលោក Pariit Thimthong ក៏បាននិយាយដែរថា Diana Flipo នឹងត្រូវសម្តែងជាតួឯកស្រី។

មួយវិញទៀតតួអង្គដែលកញ្ញាត្រូវសម្តែងនៅក្នុងរឿងភាគមួយនេះមានឈ្មោះថា​ “Kimhan”។ អ្វីដែលកាន់តែប្លែកភ្នែកនោះ គឺថាលោក Ter Chantavit នឹងត្រូវសម្តែងជាតួអង្គខ្មោចនៅក្នុងរឿងមួយនេះផងដែរ។

គួរបញ្ជាក់ដែរថា ខ្សែភាពយន្តមួយនេះនឹងត្រូវផលិតដោយលោក Pin Nathanan ដែលជាអ្នកផលិតរឿងនៅក្នុងផលិតកម្ម TV Scene៕

កែសម្រួលដោយ៖ ភារ៉ា

ប្រភព៖ thai update

from： https://tnaot.com/km/m/detail/article/9403216