សារព័ត៌មាន​​ AFP ​បានដកស្រង់សម្ដី​អ្នកនាំពាក្យកម្លាំងប៉ូលិស បានបញ្ជាក់ថា មានករណីបំផ្ទុះគ្រាប់បែក នៅក្នុងសាលារៀនសាសនាមួយ នៅភាគខាងជើង អាហ្វហ្គានីស្ថាន បណ្តាលឲ្យសិស្ស៩នាក់ស្លាប់ និងរបួសជាច្រើន។

ក្នុងចំណោមជនរងគ្រោះទាំងនោះ ជាសិស្សមានអាយុក្រោម១៨ឆ្នាំទាំងអស់ និងមានសិស្ស​៦នាក់ផ្សេងទៀតរងរបួស។ ហេតុការណ៍ខាងលើនេះបានកើតឡើង នៅក្នុងសាលារៀនមួយ ស្ថិតក្នុងស្រុក Ishkamish ខេត្តTakhar។

ហេតុការណ៍បំផ្ទុះគ្រាប់បែកខាងលើនេះ បានកើតឡើង ក្រោយពេលមានករណីបំផ្ទុះពីរលើកផ្សេងទៀត នៅក្នុងព្រះវិហារ ស្ថិតក្នុងទីក្រុងកាប៊ុល​ នៅខែមិថុនានេះ។ បើតាមសារព័ត៌មាន​​ AFP ​អំពើហិង្សាបានកើតឡើងជាបន្តបន្ទាប់ នៅក្នុងប្រទេសអាហ្វហ្គានីស្ថាន ខណ:រដ្ឋាភិបាល និងក្រុមតាលីបង់ ត្រៀមតភ្ជាប់កិច្ចពិភាក្សា ​បញ្ចប់អំពើហិង្សាដែលអូសបន្លាយ អស់រយៈពេល​ជិត​២ទសវត្សរ៍តកន្លងមក។

អ្នកនាំពាក្យ​ក្រសួងមហាផ្ទៃអាហ្វហ្គានីស្ថាន​ លោក​ Tareq Arian បានឲ្យដឹងថា ក្នុងរយៈពេល​១សប្តាហ៍កន្លងមក ក្រុមតាលីបង់បានវាយប្រហារ រហូតដល់​២២២លើក ទៅលើទីតាំងនានារបស់កម្លាំង​សន្តិសុខ​អាហ្វហ្គានីស្ថាន​ បណ្តាលឲ្យមានអ្នកស្លាប់​ចំនួន៤២២នាក់​៕ ប្រែសម្រួលដោយ៖ MEO

from： https://tnaot.com/km/m/detail/article/9402188