សារព័ត៌មាន MAP របស់ប្រទេស ម៉ារ៉ុក បានផ្សាយថា កាលពីថ្ងៃទី​១៨ ខែមិថុនា កម្លាំងទាហានជើងទឹកប្រទេសនេះ​ បានជួយសង្គ្រោះ​ជនភៀសខ្លួនជិត​១០០នាក់ នៅដែនសមុទ្រមេឌីទែរ៉ាណេ​។

ក្នុងចំណោមជនភៀសខ្លួនដែលត្រូវជួយសង្គ្រោះនោះ មានស្ត្រី​១៥នាក់ ​និងកូមារ​ជាច្រើននាក់ផងដែរ​។ ជនភៀសខ្លួនទាំងអស់នោះបានបញ្ជូនទៅកាន់តំបន់សុវត្ថិភាព នៅកំពង់ផែ ​Nador ។

ប្រទេសម៉ារ៉ុក ស្ថិត​ក្នុងចំណុចកណ្តាល នៃការធ្វើដំណើររបស់ជនភៀសខ្លួន ពីតំបន់​សាហារ៉ា នៃទ្វីបអាហ្វ្រិក ឆ្ពោះទៅកាន់តំបន់អឺរ៉ុប។ បើតាមតួលេខរបស់រដ្ឋាភិបាលម៉ារ៉ុក បានឲ្យដឹងថា មានពលរដ្ឋប្រមាណ​៧៤ពាន់នាក់​​បានព្យាយាមចូលទៅកាន់អឺរ៉ុប ហើយគោលដៅ នៃជនភៀសខ្លួនត្រូវទៅ គឺប្រទេសអេស្ប៉ាញ​។

កាលពីថ្ងៃទី​១៨ ខែមិថុនា ឆ្នាំ២០២០ រដ្ឋមន្ត្រីក្រសួងមហាផ្ទៃ ប្រទេស Cyprus បានប្រកាសថា ប្រទេសនេះបានចេញសេចក្តីព្រាងច្បាប់ ស្តីពី​ការទប់ស្កាត់ជនភៀសខ្លួន នៅលើដែនសមុទ្រមេឌីទែរ៉ាណេ​។ នៅក្នុង​សេចក្តីព្រាងច្បាប់នោះ ​អ្នកដែមាន​៣សញ្ជាតិ នឹងត្រូវកាត់បន្ថយឲ្យ នៅក្នុងប្រទេសនេះ៕ ប្រែសម្រួលដោយ៖​​ MEO

from： https://tnaot.com/km/m/detail/article/9401970