Sign In 
បុគ្គលឆ្លាតតែងពិចារណារកសេចក្តីពិតយ៉ាងនេះថា អំពើល្អពិតជាផ្តល់ផលល្អ ឯអំពើអាក្រក់ពិតជាផ្តល់ផលអាក្រក់ ហើយញុំាងឱ្យដល់ព្រមដោយសទ្ធាជឿកម្មជឿផលយ៉ាងមុតមាំ និងព្យាយាមធ្វើតែអំពើល្អ មានធ្វើទាននិងរក្សាសីលជាដើម ។
កិរិយាយល់ច្បាស់អំពីវិបាកនៃកម្ម ហើយប្រញាប់តម្កល់ខ្លួនក្នុងទានសីល ភាវនា សមាធិ ឱ្យនៅតែក្នុងសេចក្តីព្យាយាម មិនខ្ជិលច្រអូស តាំងខ្លួនឱ្យនៅក្នុងសតិ នៅឆ្ងាយពីការធ្វេសប្រហែស ឬមិនយកខ្លូនទៅជាប់ពាក់ព័ន្ធនឹងអំពើអាក្រក់ណាមួយ យ៉ាងនេះឈ្មោះថាការពិចារណាត្រូវរតាមសេចក្តីពិត ។
ជឿកម្មផលគឺជឿថា ជនណាប្រព្រឹត្តអំពើអ្វី សាងកម្មអ្វី បុគ្គលនោះនឹងទទួលផលដូចដែលខ្លួនបានសាងជាក់ជាមិនខាន នេះជារឿងពិតនៃសង្គមលោក ។ ផ្តល់សិទ្ធដោយ៖កោះសន្តិភាព
