Sign In 
ស្ត្រីម្នាក់បានបង្ហោះសារនៅលើបណ្តាញសង្គមហ្វេសប៊ុកថា ប៉ូលិសនិងមេភូមិដែលព្រងើយកន្តើយចំពោះការសុំជំនួយរបស់នាង បន្ទាប់ពីត្រូវអតីតមិត្តប្រុសរបស់នាងវាយធ្វើបាប។
ស្ត្រីដែលជាជនរងគ្រោះឈ្មោះ Orawan Singkum បាននិយាយថាអតីតសង្សាររបស់នាងបានវាយដំនាង ហើយវាយនាងនឹងកាំភ្លើង រួចហើយចង្អុលទៅក្បាលបងស្រីរបស់នាងហើយគំរាមថានឹងសម្លាប់ទាំងក្រុមគ្រួសារថែមទៀតផង។ បងស្រីរបស់ Orawan បានទូរសព្ទទៅការិយាល័យមេភូមិប៉ុន្តែគ្មាននរណាម្នាក់មកកន្លែងហេតុដើម្បីជួយពួកនាងទេ។ ក្រោយមកទៀតជនរងគ្រោះបានទៅប្តឹងដល់ប៉ុស្តិប៉ូលិស ប៉ុន្តែពួកគេបានឆ្លើយតបវិញថា ពួកខ្ញុំគ្មានអំណាចអ្វីដែលអាចចាប់មិត្តប្រុសនាងបានទេ។ ទោះបីជានាងបានបង្ហាញសារគម្រាមសម្លាប់នៅក្នុងទូរសព្ទទៅឱ្យប៉ូលិសទុកធ្វើជាភស្តុតាង ក៏គ្មានអ្នកអើពើដែរ។
រឿងនេះគ្រាន់តែជារឿងមួយក្នុងចំណោមរឿងជាច្រើនដែលបានបង្ហាញពីស្ថានភាពរបស់ស្ត្រីថៃនៅក្នុងសង្គមដែលនៅក្រោមការគ្រប់គ្រងដោយបុរស។
កែសម្រួលដោយ៖ ភារ៉ា
ប្រភព៖ Samuitime
