ថ្នាក់ដឹកនាំរបស់ក្លឹបអ្នកមានបុណ្យ FC Barcelona កាលពីយប់មិញនេះ បានធើ្វការឆ្លើយតបទៅនឹងរឿងរ៉ាវដែលកំពុងក្ដៅដែល Messi ចង់ចាកចេញពីក្លឹប។

ក្រុមយក្សរបស់អេស្ប៉ាញនេះ បានរងនូវសម្ពាធមួយយ៉ាងធំ ដោយក្លឹបមិនមានឈ្នះពានរង្វាន់អ្វីមួយក្នុងរដូវកាល ២០១៩-២០២០ ការធ្លាក់ចេញពីពានរង្វាន់ UEFA Champions League យ៉ាងអាម៉ាស ដោយលទ្ធផល ៨-២ ក្រោមថ្វីជើង Bayern Munich ហើយពេលនេះលេចឮថា Messi ក៏ចង់ចាកចេញថែមទៀត។

អំឡុងការស្វាគមន៍នៃកីឡាករថ្មីរបស់ក្លឹបគឺ Francisco Trincao ថ្នាក់ដឹកនាំរបស់ក្លឹបគឺលោក Ramon Planes បាននិយាយទាក់ទងនឹងរឿងនេះថា៖

«គិតត្រឹមពេលនេះ យើងកំពុងធើ្វការពិភាក្សាជាច្រើនម៉ោង ដើម្បីរកវិធីដ៏ល្អមួយរវាងក្លឹប និង Lio»។

«អ្វីដែលកើតឡើង គឺនឹងកើតឡើង ហើយគំនិតរបបស់យើងគឺចង់អភិវឌ្ឍន៍ក្រុមជាមួយនឹងកីឡាករដ៏សំខាន់បំផុតក្នុងលោក»។

គេនៅមិនទាន់ដឹងថា ក្លឹប និង Messi ផ្ទាល់ បានចរចាដល់កម្រិតណានោះទេ ខណៈពាក្យចចាមអារ៉ាមបានឲ្យដឹងថា Manchester City គឺជាជម្រើសទី១ បើប្រធានក្រុមអាហ្សង់ទីននេះ ចាកចេញមែននោះ៕

ប្រភព៖ Dailymail

from： https://tnaot.com/km/m/detail/article/9629793