Sign In 
បើយោងតាម ការស្រាវជ្រាវ ៥ ទៅ ៦០% នៃមនុស្សទូទាំងពិភពលោកបានជួបនឹងបញ្ហាក្លិនខ្យល់ដង្ហើមមិនល្អ ពេលនិយាយឬដកដង្ហើមម្ដងៗអ្នកក្បែរខ្លួនសឹងតែសន្លប់ ទោះបីជាពួកគេបានដុសសម្អាតធ្មេញជារៀងរាល់ថ្ងៃក៏ដោយ។
តាមពិតទៅបញ្ហាក្លិនស្អុយនេះគឺបណ្ដាលមកពីបាក់តេរីម្យ៉ាងដែលកើតចេញពីទម្លាប់រស់នៅមិនល្អរបស់យើង ឧទាហារណ៍ដូចជា៖
– ទទួលទានអាហារសម្បូរទៅដោយសារជាតិលឿងច្រើនពេក
– ជក់បារី និងសេពគ្រឿងស្រវឹងផ្សេងៗ
– អតិសុខុមប្រាណក្នុងមាត់ (សារពាង្គកាយល្អនិងមិនល្អ)មានបញ្ហា
– អញ្ចាញធ្មេញមានបញ្ហា
– ស្ត្រេស និងធុញថប់អារម្មណ៍
– មាត់ឆ្លងមេរោគ
– ធ្មេញពុក ។ល។
ដើម្បីកំចាត់បញ្ហាក្លិនអាក្រក់ក្នុងមាត់និងពេលដង្ហើមបាន ចូរតាមវិធីមួយក្នុងចំណោមវិធីទាំង ៣ ខាងក្រោមនេះ៖
១. ទទួលទឹកឲ្យបានច្រើន៖ បាក់តេរីក្នុងមាត់យើងបញ្ចេញឧស្ម័នមិនល្អ ហើយទឹកមាត់បានរារាំងការបញ្ចេញនេះ ដូច្នេះការទទួលទឹកកាន់តែច្រើនកាន់តែល្អ។
២. ទំពារជីរអង្កាម ជីរនាងវង៖ ប្រសិនបើអ្នកនៅខាងក្រៅ ឬចូលរួមពិធីផ្សេងការទំពពារជីរទាំងនេះនឹងជួយកាត់បន្ថយក្លិនខ្លាំងបានមួយពេលនោះ ទោះបីជាវាមិនបានព្យាបាលក៏ពិតមែន។
៣. ទទួលទានផ្លែប៉ោម៖ យកល្អគួរមានផ្លែប៉ោមតាមខ្លួនពេលចេញទៅខាងក្រៅ ឬនៅក្នុងផ្ទះជានិច្ច ព្រោះវាសារជាតិម្យ៉ាងអុកស៊ីតកម្មដែលជួយបន្សាបក្លិនមិនល្អក្នុងមាត់បានដោយមានប្រសិទ្ធភាព ថែមទាំងជួយសម្អាតធ្មេញបានស្អាតទៀតផង។ ប្រែសម្រួលដោយ៖ ត្នោត
