ទូរសព្ទប្រេន iPhone ពិតជាទូរសព្ទដែលពេញនិយមខ្លាំងទោះបីជាវាមានតម្លៃវាខ្ពស់បន្តិចក្ដី ហើយទទឹមនឹងនេះដោយសារវាជាប្រេនទូរសព្ទដែលមានគុណភាពល្អ មានមុខងារពិសេសៗខុសគេ និងមានប្រព័ន្ធប្រតិបត្តិការសុវត្ថិភាពខ្ពស់។

និយាយដល់រឿងមុខងារពិសេសៗ តើអ្នកប្រើប្រាស់ទូរសព្ទ iPhone ទាំងអស់មានធ្លាប់ដឹងដែរទេថាក្នុងកម្មវិធី រូបភាព(Photos) របស់វាមានមុខងារពិសេសមួយសម្រាប់ឲ្យម្ចាស់ទូរសព្ទអាចស្វែងរករូបភាពបានលឿនទាន់ចិត្តដោយគ្រាន់តែវាយពាក្យដែលមានជាប់ទាក់ទងនឹងរូបភាពនោះ។

ដូចឧទាហរណ៍ខាងលើនេះ ប្រសិនបើអ្នកចាំថារូបនោះមានឆ្កែ អ្នកគ្រាន់តែវាយពាក្យថា Dog(ឆ្កែ) នោះរូបភាពដែលមានរូបឆ្កែនឹងបង្ហាញមកភ្លាមៗឲ្យអ្នកជ្រើសរើស។

លើសពីនេះអ្នកក៏អាចវាយច្រើនពាក្យដើម្បីស្វែងរករូបភាពនោះកាន់តែបានជាក់លាក់និងលឿនបន្ថែមទៀត។ ប្រែសម្រួលដោយ៖ ត្នោត

from： https://tnaot.com/km/m/detail/article/9628495