Sign In 
ប្រិយមិត្តប្រាកដជាស្គាល់មកហើយ តារាចម្រៀងស្រីដែលបាត់មុខពីសិល្បៈអស់រយៈពេលជាច្រើនឆ្នាំ និងបានកសាងគ្រួសារយ៉ាងមានសុភមង្គលដោយប្រើជីវិតបែបសាមញ្ញាៗ អ្នកនាង អែនជី បានធ្វើអោយមហាជនសរសើរមិនដាច់ពីមាត់ ពីរូបសម្រស់របស់នាងថា នៅតែក្មេង និងស្រស់ស្អាតប្លែកខ្លាំងតែម្តង។
យ៉ាងណាមិញ នៅសល់តែរយៈពេល១ខែទៀត រូបនាងនឹងសម្រាលកូនប្រុសដំបូងដែលជាចំណងដៃអាពាហ៍ពិពាហ៍របស់នាង និងស្វាមី ។ ជាពិសេសអ្វីដែលធ្វើអោយមហាជនមានការចាប់អារម្មណ៍នោះ គឺសម្រស់របស់អ្នកនាងដែលកំពុងពរពោះរូបនេះ គឺនៅតែខ្ញង់ និងស្រស់ស្អាតខ្លាំង ។
បើទោះបីជាតារាចម្រៀងស្រីរាងតូចច្រឡឹងរូបនេះលែងមានវត្តមាននៅក្នុងសិល្បៈតទៅទៀត ក៏ប៉ុន្តែនាងនៅតែមានឈ្មោះបោះសម្លេងជានិច្ច តាមរយៈការរកស៊ីជំនួញរបស់នៅតាមបណ្តាញសង្គម ដែលនាងតែងតែបង្ហាញមុខជានិច្ច និងនៅតែទទួលបានការគាំទ្រពីមហាជនសឹងតែគ្រប់ពេលតែម្តង៕ អត្ថបទដោយ៖ ត្នោត
