Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

ឧបការី​កូរ៉េខាងត្បូង​​ ទទួលបន្ទុកិភាក្សាបរមាណូជាមួយកូរ៉េខាងជើង ទៅទស្សនកិច្ចស្ងាត់ៗ នៅអាមេរិក

លោក Lee Do-hoon បានទៅបំពេញទស្សនកិច្ច នៅលើទឹកដីអាមេរិក ក្នុងពេលស្ថានភាព​ទំនាក់ទំនង​ជាមួយកូរ៉េខាងជើង កាន់តែតានតឹង​ បន្ទាប់ពីការកាត់ផ្តាច់​ទំនាក់ទំនង​និងបំផ្ទុះការិយាល័យ​ទំនាក់ទំនងឧបទ្វីបកូរ៉េ។

លោក Lee Do-hoon បានទៅកាន់ទីក្រុងវ៉ាស៊ីនតោន ជាបន្ទាន់ កាលពីថ្ងៃទី​១៧ ខែមិថុនា​ ដើម្បីជួបពិភាក្សាជាមួយអាមេរិក ពាក់ព័ន្ធនឹងកូរ៉េខាងជើង ដែលបានបង្កភាពតាន់តឹកាន់តែខ្លាំងឡើង នៅលើឧបទ្វីបកូរ៉េ។

ដំណើរទស្សនកិច្ចខាងលើ គឺមិនបានប្រកាសឲ្យដឹងជាមុននោះឡើយ​​​ ក្នុងពេលស្ថានភាពព្រំដែនជាមួយកូរ៉េខាងជើង​ កាន់តែតានតឹង​។ បើតាមគម្រោង លោក Lee Do-hoon នឹងជួបពិភាក្សាជាមួយ​មន្ត្រីជាន់​ខ្ពស់អាមេរិក ក្នុងនោះមាន​រដ្ឋលេខាធិការក្រសួងការបរទេស​ Stephen Biegun ប្រធានគណៈប្រតិភូពិភាក្សា ស្តីពីរ​ការរំសាយអាវុធបរមាណូជាមួយ​កូរ៉េខាងជើង​។ ជាមួយគ្នានេះដែរ ​លោក​ Lee Do-hoon នឹងជួបពិភាក្សា​ជាមួយទីប្រឹក្សាសន្តិសុខជាតិ​អាមេរិក ​លោក Robert O’Brien។

រូបភាពដែលបានផ្សព្វផ្សាយតាមកញ្ជក់ទូរទស្សន៍ បង្ហាញឲ្យឃើញថា លោក Lee Do-hoon បានបង្ហាញវត្តមាន នៅអាកាសយានដ្ឋានអន្តរជាតិ Dulles ក្នុងរដ្ឋធានីវ៉ាស៊ីនតោន នៅថ្ងៃទី​១៧​ ខែមិថុនា ។

សកម្មភាពខាងលើ បានកើតឡើង ក្រោយពេលក្រសួងការបរទេសកូរ៉េខាងត្បូង​ បង្ហាញក្តីបារម្ភយ៉ាងខ្លាំង ក្រោយពេលកូរ៉េខាងជើង បំផ្ទុះទីតាំងទំនាក់ទំនង នៅឧបទ្វីបកូរ៉េ​។ មិនតែប៉ុណ្ណោះកូរ៉េខាងជើង ក៏បានបញ្ជូនកម្លាំងទាហាន ចូលទៅកាន់តំបន់ព្រំដែនទៀតផង​៕ ប្រែសម្រួលដោយ៖ MEO

from: https://tnaot.com/km/m/detail/article/9398966