Sign In 
បុគ្គលឆ្លាត កាលបើផ្ទះត្រូវភ្លើងឆេះហើយ ត្រូវតែប្រញាប់ជញ្ជូនយកទ្រព្យ ដែលមានតម្លៃចុះចេញពីផ្ទះនោះ បើមិនដូច្នោះទេទ្រព្យសម្បត្តិទាំងនោះនឹងត្រូវភ្លើងឆេះអស់ទៅជាមួយនឹងផ្ទះមិនខានឡើយ ។
យ៉ាងណាមិញអត្តភាពនេះ ក៏ត្រូវភ្លើងជរា ភ្លើងព្យាធិ កំពុងតែដុតរោលរាល់តែថ្ងៃ មិនយូរប៉ុន្មានគង់តែដល់ថ្ងៃស្លាប់ដោយប្រាកដ បើមានទ្រព្យសម្បត្តិតែមិនបានបរិច្ចាគធ្វើទានដើម្បីជាកំណប់ជាប់ទៅតាមប្រាណទេ ទ្រព្យនោះក៏ត្រូវវិនាសអស់ទៅនៅពេលដែលស្លាប់នោះឯង ហើយជីវិតពិតជាកំសត់ក្នុងសង្សារវដ្ដមិនខាន ។
នេះជាគាថាប្រៀបធៀបឱ្យឃើញថាកាលបើសម្បកផ្ទះទាំងមួលត្រូវភ្លើងឆេះ ទ្រព្យសម្បត្តិដែលនៅក្នុងនោះក៏ត្រូវភ្លើងឆេះខ្ទេចអស់ដែរយ៉ាងណា អត្តភាពគឺខ្លួនប្រាណយើងនេះក៏ត្រូវភ្លើងមរណៈឆេះរាល់ថ្ងៃក៏យ៉ាងនោះដែរ ខណៈនេះបើយើងនៅតែកំណាញ់ស្វិតមិនធ្វើទាន រក្សាសីលទេ លុះភ្លើងមរណៈឆាបយកសង្ខារទៅ នោះជីវិតនឹងដល់នូវក្តីសង្វេគឯកោមិនខាន ។ផ្តល់សិទ្ធដោយ៖កោះសន្តិភាព
