កាលពីយប់មិញ មានរឿងដ៏ភ្ញាក់ផ្អើលបានកើតឡើងគឺតារាឆ្នើម Lionel Messi ត្រូវបានគេប្រកាសថា ខ្លួនចង់ចាកចេញពីក្លឹបអ្នកមានបុណ្យ FC Barcelona ទោះបីមិនមានតម្លៃខ្លួនក៏ដោយ។

សេចក្ដីរាយការណ៍ចេញពីអេស្ប៉ាញ បានចុះផ្សាយថា Messi កាន់តែអស់ជំនឿទៅលើក្លឹបដែលគេប្រកបអាជីពតាំងពីកុមារភាព បន្ទាប់ពីការចាញ់យ៉ាងអាម៉ាស់ទៅលើ Bayern Munich ក្នុងពានរង្វាន់ Champions League ដោយលទ្ធផល ៨-២ កាលពីជាង២សប្ដាហ៍មុន។

ដោយឡែក សម្រាប់ថ្នាក់ដឹកនាំក្លឹប ក្រោយពីឮថា Messi ចង់ចាកចេញ ពេលនេះក្លឹបទាំងមូលបានបើកកិច្ចប្រជុំពិភាក្សាបន្ទាន់មួយ ដើម្បីព្យាយាមបញ្ចុះបញ្ចូលប្រធានក្រុមជម្រើសជាតិអាហ្សង់ទីន ដើម្បីបន្ដកិច្ចសន្យាជាមួយក្លឹប។

សូមបញ្ជាក់ថា Messi ​អាច​ធ្វើ​រឿង​នេះ​បាន ​ដោយសារ​តែ​ក្នុង​លិខិត​កុងត្រា​កន្លង​មក ​គឺ​បញ្ជាក់​ច្បាស់​ថា​បើ​សាមី​ខ្លួន​មិន​ចង់​នៅ​បន្ដ​ទេ ​នៅ​ពេល​ចប់​រដូវ​កាល ​គឺ​រូបគេ​អាច​ផ្ដាច់​កុងត្រា​ភ្លាម និង​ចាកចេញ​ទៅ​បាន៕

ប្រភព៖ Sportbibble

from： https://tnaot.com/km/m/detail/article/9627562