Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

កីឡាករ Castillejo របស់ក្លិប Milan ត្រូវបានចោរប្លន់យកនាឡិកាដៃដែលមានតម្លៃមិនធម្មតា

កីឡាករ Samul Castillejo ខ្សែបម្រើរបស់ក្លិប AC Milan ត្រូវបានចោរប្លន់យកនាឡិកាដៃ ដែលមានតម្លៃជាង៩ម៉ឺនដុល្លារ កាលពីថ្ងៃម្សិលមិញ។

ហេតុការណ៍នេះ បានកើតឡើងនៅក្នុងទីក្រុង Milan ប្រទេសអ៊ីតាលី។ បើតាមការរាយការណ៍ពីប្រភពព័ត៌មាននៅអ៊ីតាលី បានឱ្យដឹងថា ដំបូងឡើយកីឡាករ Castillejo បានជិះឡានរបស់ខ្លួនចេញទៅខាងក្រៅ ហើយក៏មានជនសង្ស័យពីរនាក់ជិះម៉ូតូទៅចាំស្ទាក់ផ្លូវនៅខាងមុខ លុះរូបគេទៅដល់ចំណុចនោះ ស្រាប់តែពួកគេចេញមកធ្វើសកម្មភាពប្លន់យកនាឡិកាដៃតែម្តង។ ក្រោយមករូបគេ ក៏បានទាក់ទងទៅខាងប៉ូលិសក្នុងតំបន់ឱ្យជួយ ហើយសំណាងល្អប៉ូលិសនៅទីនោះ បានចាប់ខ្លួនចោរទាំងពីរនាក់នោះមកវិញ។

កីឡាករ Castillejo បានប្រាប់វិទ្យុ Marca ថា៖ “សំណាងណាស់ដែលប៉ូលិសអាចចាប់ចោរដែលបានប្លន់ខ្ញុំមកវិញ។ ខ្ញុំភ័យខ្លាចណាស់ គ្មាននរណាម្នាក់ចង់ឱ្យគេយកកាំភ្លើងខ្លីមកភ្ជង់លើក្បាលខ្លួនឯងទេ។ ហេតុការណ៍នេះ ខ្ញុំចាំបានថាវាកើតឡើងត្រឹមតែរយៈពេល ២០វិនាទីប៉ុណ្ណោះ។ ពួកគេបានយកកាំភ្លើងខ្លីមកភ្ជង់លើក្បាលខ្ញុំ ហើយចង់បាននាឡិកាទើបខ្ញុំសម្រេចដោះឱ្យភ្លាមៗ”។

ហេតុការណ៍នេះ មិនមានបានបង្កស្នាមរបួសអ្វីដល់កីឡាករ Castillejo ទេ ហើយក៏ទទួលបាននាឡិការរបស់គេមកវិញផងដែរ។

កែសម្រួលដោយ៖ ភារ៉ា

ប្រភព៖ livescore

from: https://tnaot.com/km/m/detail/article/9395969