Sign In 
ពោធិ៍សាត់ ៖ លោក ម៉ៅ ធនិន អភិបាលខេត្តពោធិ៍សាត់ និងជាប្រធានគណៈបញ្ជាការឯកភាពខេត្ត លោក កូយ កាន់យ៉ា ព្រះរាជអាជ្ញាអមសាលាដំបូងខេត្តពោធិ៍សាត់ បានចុះដល់ទីតាំផ្ទះថ្មល្វែង ស្ថិតនៅភូមិបន្ទាយដីក្រោម សង្កាត់បន្ទាយដី ក្រុង.ខេត្តពោធិ៍សាត់ ដឹកនាំបញ្ជាផ្ទាល់ កម្លាំងអធិការដ្ឋាននគរបាលក្រុង និងកម្លាំងមូលដ្ឋានកងរាជអាវុធហត្ថក្រុងពោធិ៍សាត់ បង្រ្កាបករណីល្បែងស៊ីសងតាមប្រព័ន្ធអេឡិចត្រូនិក(អនឡាញ)ឃាត់ខ្លួនមនុស្សប្រុសស្រីចំនួន៧នាក់ រួមទាំងវត្ថុតាង និងសម្ភារៈ ដើម្បីយកទៅបន្តនីតិវិធី
នគរបាលក្រុងពោធិ៍សាត់បានឲ្យដឹងថាលទ្ធផលឃាត់ខ្លួនជនជាប់ពាក់ព័ន្ធប្រុសស្រីចំនួន៧នាក់ ទី.១ ឈ្មោះ យិន រីណា ភេទស្រី អាយុ ២៨ឆ្នាំ ជនជាតិខ្មែរ មុខរបរមេផ្ទះ មានទីលំនៅភូមិពាលញែកទី.១ សង្កាត់ផ្ទះព្រៃ ក្រុងពោធិ៍សាត់ ទី.២ ឈ្មោះ តែ ហៃរិទ្ធ ភេទប្រុស អាយុ ៦១ឆ្នាំ ជនជាតិខ្មែរ មុខរបររត់ម៉ូតូឌុប មានទីលំនៅភូមិពាលញែកទី.២ សង្កាត់ផ្ទះព្រៃ ក្រុងពោធិ៍សាត់ ទី.៣ ឈ្មោះ គឹម សួរ ភេទប្រុស អាយុ ៣៦ឆ្នាំ ជនជាតិខ្មែរ មុខរបររកស៊ីមានទីលំនៅភូមិពាលញែកទី.១ សង្កាត់ផ្ទះព្រៃ ក្រុងពោធិ៍សាត់ ទី.៤ ឈ្មោះ ឆាន ហួន ភេទស្រី អាយុ ១៧ឆ្នាំ ជនជាតិខ្មែរ មុខរបរកសិករ មានទីលំនៅភូមិ
បន្ទាយដីក្រោម សង្កាត់បន្ទាយដី ក្រុងពោធិ៍សាត់ ទី.៥ ឈ្មោះ វ៉ា សុខពិសី ភេទស្រី អាយុ ១៥ឆ្នាំ ជនជាតិខ្មែរ មុខរបរកសិករ ស្នាក់នៅភូមិបន្ទាយដីក្រោម សង្កាត់ផ្ទះព្រៃ ក្រុងពោធិ៍សាត់ ទី.៦ ឈ្មោះ សឿន សុខចំរើន ភេទប្រុស អាយុ ២៧ឆ្នាំ ជនជាតិខ្មែរ មុខរបរកសិករ ស្នាក់នៅភូមិបន្ទាយដីក្រោម សង្កាត់ផ្ទះព្រៃ ក្រុងពោធិ៍សាត់ និងទី.៧ ឈ្មោះ សួន សុខនិត ភេទប្រុស អាយុ ២៣ឆ្នាំ ជនជាតិខ្មែរ មុខរបរកសិករ ស្នាក់នៅភូមិបន្ទាយដី សង្កត់ផ្ទះព្រៃ ក្រុង.ខេត្តពោធិ៍សាត់ ។
ប្រភពព័ត៌មានពីសមត្ថកិច្ចនគរបាលនៃអធិការដ្ឋាននគរបាលក្រុងដដែលបន្តទៀតថា ក្នុងកិច្ចប្រតិបត្តិការ ដកហូតវត្ថតាង និងសម្ភារៈមួយចំនួនធំមាន ផ្ទាំងអេឡិចត្រូនិកចំនួន៧ ទូរទស្សន៍តូចធំចំនួន៥គ្រឿង កំព្យូទ័រចំនួន៥គ្រឿង ប្រាក់រៀលចំនួន១៣.៨៥០០០៛ ប្រាក់ដុល្លារចំនួន៧៥$ តុចំនួន៣ ទូក្លាសេចំនួន១ ទូរស័ព្ទដៃចំនួន៨ កាមេរ៉ាសុវត្ថិភាពចំនួន១ឈុត កង្ហារចំនួន៤គ្រឿង សៀវភៅទូរទាត់លុយហ្គេចំនួន១ក្បាល និងម៉ូតូចំនួន៤គ្រឿង ។
ប្រភពដដែលបញ្ជាក់បន្ថែមទៀតថា ចំពោះជនសង្ស័យប្រុសស្រីជាប់ពាក់ព័ន្ធករណីល្បែងសុីសងអេឡិចត្រូនិក(អនឡាញ) រួមទាំងវត្ថុតាង និងសម្ភារៈដែលបានដកហូតជាបណ្ដោះអាសន្នទាំងអស់ នាំយកទៅបន្តនីតិវិធីនៅអធិការដ្ឋាននគរបាលក្រុងពោធិ៍សាត់ ៕ ដោយ ផេង ភាព
