បុរសម្នាក់​បានស្លាប់នៅពេលរថយន្តរបស់គាត់​បុកជាមួយរថភ្លើង​នៅលើផ្លូវដែកឆ្លងកាត់ស្រុក​ Tha Muang កាលពីរសៀលថ្ងៃអង្គារ។

លោកប៉ូលិស​ Chumpol Luang-iam បាននិយាយថា ឧប្បត្តិហេតុនេះបានកើតឡើង​នៅម៉ោងប្រហែល ៣ និង ១៥នាទីរសៀលនៅឯផ្លូវបំបែកជិតផ្លូវ​ Pattanakan ក្នុងស្រុក​ Tha Muang ។ លោក​ Narong Bokerd អាយុ ៥៩ឆ្នាំ បានបើកឡានម៉ាក​ Honda Jazz ​​ឆ្លងកាត់ផ្លូវ ហើយត្រូវរថភ្លើងបុក​ដែលមានស្លាកលេខ ២៥៨ ក្នុងទិសដៅពី​ Nam Tok ទៅ Thon Buri បុកចំកណ្តាលតួរថយន្ត និង​អ្នកដំណើរចំនួន ៦នាក់ក្នុងឡានផ្សេងទៀត។ រថភ្លើងបានរុញរថយន្តតាមបណ្តោយផ្លូវប្រហែល ៥០ម៉ែត្រមុនពេល​ឈប់។ ​លោក​ Narong Bokerd ​មានរបួសធ្ងន់រហូតដល់ស្លាប់នៅ​ក្នុងឡាន។

រូបតំណាង

ក្រុមអ្នកជួយសង្គ្រោះបានប្រើឧបករណ៍ដើម្បី​គាស់យក​សាកសពជនរងគ្រោះចេញពីឡាន។ អ្នកស្រុកនៅទីនោះបាននិយាយថា​ជនរងគ្រោះជាជាងកាត់ដេរដែលតែងតែបើកឡានឆ្លងកាត់ទៅផ្ទះសាច់ញាតិនៅក្បែរផ្លូវដែកនេះ។ ក្បាលរថភ្លើង​រងការខូចខាតបន្តិចបន្តួច។ រថភ្លើងត្រូវ​ជាប់គាំងអស់ពេល​ជាច្រើនម៉ោងដើម្បីរង់ចាំអ្នកសង្គ្រោះ​យកសាកសព​ចេញពីរថយន្ត និងការសម្អាតផ្លូវដែក​រួចរាល់។

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9393685