ខែ្សការពាររបស់ក្រុមបិសាចក្រហម Manchester United កីឡាករ Victor Lindelof ត្រូវបានប៉ូលីសចាត់ទុកជាជនក្លាហានម្នាក់ ក្រោយពីរូបគេបានប្រតាយប្រតប់ជាមួយចោរ បន្ទាប់ពីព្យាយាមឆក់កាបូបស្រ្ដីវ័យចំណាស់ម្នាក់ ស្ថិតក្នុងប្រទេសស៊ុតអែត។

Lindelof បានក្លាយជាកីឡាករដ៏សំខាន់របស់ Man Utd ក្រោយពីជួយឲ្យក្លឹបបញ្ចប់ចំណាត់ថ្នាក់លេខ៣ ក្នុងតារាង Premier League និងជាកីឡាករតែម្នាក់គត់ ដែលមិនមានអ្នកញាក់ដាច់ក្នុងលីគកំពូលអង់គ្លេសរដូវកាលនេះ។

មិនត្រឹមតែការពារបាល់បានយ៉ាងល្អប៉ុណ្ណោះទេ សមាជិករបស់ក្រុមជម្រើសជាតិស៊ុតអែតនេះ ក៏បានការពារប្រជាជនរបស់ខ្លួនបានយ៉ាងល្អផងដែរ។

Lindelof ដែលកំពុងសម្រាកលំហែកាយក្នុងទីក្រុង Vasteras ប្រទេសស៊ុតអែត កាលពីថៃ្ងចន្ទម្សិលមិញនេះ បានព្យាយាមដេញតាមចោរដែលកំពុងជិះកង់ ហើយក៏ចាប់បាន និងទុករយៈពេល៥នាទី ទើបប៉ូលីសមកដល់កន្លែងកើតហេតុ៕

ប្រភព៖ Sportbibble

from： https://tnaot.com/km/m/detail/article/9624455