ក៏ដូចជាក្លឹប Inter និងក្លឹប Atletico Madrid ផងដែរ ត្រូវបានគេរាយការណ៍ថា ក្លឹប Napoli បានចុះកុងត្រាជាមួយកីឡាករ Edinson Cavani ។ ប្រធានក្លឹប Paris Saint-Germain លោក Leonardo បានបញ្ជាក់ថា Cavani នឹងចាកចេញនៅរដូវក្តៅនេះ ដូច្នេះហើយគេអាចជ្រើសរើសទិសដៅបន្ទាប់របស់គេបាន ។

គេហទំព័របារាំង Le10Sport.com បានអះអាងថា ក្លឹប Napoli បានទំនាក់ទំនងជាមួយ Matador ដើម្បីស្នើសុំការវិលត្រឡប់ទៅកាន់ Stadio San Paolo វិញ ។

កីឡាករវ័យ ៣៣ឆ្នាំរូបនេះ មានកេរ្តិ៍ឈ្មោះល្បីល្បាញនៅទីក្រុង Naples ដោយលេងនៅទីនោះតាំងពីឆ្នាំ២០១១ ដល់ឆ្នាំ២០១៣ រហូត ផ្ទេរក្លឹប PSG ចំនួន៦៤ លានផោន ៕

Cavani បានស៊ុតបាល់បញ្ចូលទីបានចំនួន ១០៤គ្រាប់ក្នុងការប្រកួតចំនួន ១៣៨ប្រកួត សម្រាប់ក្រុម Partenopei ។ នៅពេលសួរអំពីសេណារីយ៉ូភ្នាក់ងារ Walter Guglielmone បានប្រាប់ EFE ថាពួកគេនឹង “ ពិភាក្សាគ្នារួចហើយ និងធ្វើការវាយតម្លៃអំពីការជ្រើសរើសកីឡាករ Cavani រូបនេះ” ។

ប្រែសម្រួលដោយ៖ វបុត្រ

ប្រភព៖ football-italia

from： https://tnaot.com/km/m/detail/article/9391930