Sign In 
ក្រោយបាត់មុខមួយរយៈពីក្រុមរាំរបស់ខ្លួន ស្រីស្អាត តែ ស៊ុនសុដាលីកា បានធ្វើអោយមហាជនអ្នកគាំទ្ររបស់នាងមានការសប្បាយរីករាយយ៉ាងខ្លាំង ក្រោយពីឃើញស្ថានភាពជំងឺរបស់នាងបន្ទាប់ពីការវះកាត់ឆ្អឹងខ្នងមានការល្អប្រសើរកាន់តែខ្លាំងឡើង ។
យ៉ាងណាមិញ កាលពីខែឧសភា ឆ្នាំ២០២០កន្លងទៅនេះ នាងត្រូវសម្រាកព្យបាលជំងឺរបស់ខ្លួន ពេលនេះស្រីស្អាតរូបនេះមានសុខភាពល្អកាន់តែខ្លាំងជាងមុន រហូតអាចក្រោកឈរថតរូបបាន។ យោងតាមការបង្ហោះរបស់លីកា តាមរយៈបណ្តាញសង្គម Instagram បើទោះបីជារូបនាងអាចមានលទ្ធភាពក្រោកឈរ ដើម្បីថតរូបមួយសន្លឹកដែលនាងបានបង្ហោះក៏ដោយ តែស្រីស្អាត លីកា បានប្រាប់អោយមហាជនបានដឹងថា រូបនាងមិនអាចឈរបានយូរនោះទេ រហូតទល់តែមានអ្នកជួយទប់នាងនៅពីក្រោយទើបបាន។
ជាពិសេស មកទល់ពេលនេះសុខភាពជំងឺរបស់ស្រីស្អាតសមាជិកក្រុម OMG រូបនេះកាន់តែល្អប្រសើរឡើងជាងមុនក៏ពិតមែន ប៉ុន្តែប្រហែលជាប្រើរយៈពេលជាយូរបន្ថែមទៀត ទើបរូបនាងអាចត្រឡប់មករាំដូចដើមបានវិញ៕ អត្ថបទដោយ៖ ត្នោត
