លោក Ole Solskjaer នឹងផ្ដលឱកាសឲ្យ Alexis Sanchez បង្ហាញសមត្ថភាពជាថ្មីនៅក្នុងក្រុមបិសាចក្រហម Manchester United នៅរដូវកាលក្រោយ ប៉ុន្ដែរូបគេបានត្រឹមតែលេងក្នុងតំណែងជាកីឡាករបម្រុងប៉ុណ្ណោះ។

កីឡាករសញ្ជាតិឈីលីរូបនេះ ត្រូវបានក្លឹបឲ្យ Inter Milan ខ្ចីជើងតាំងពីដើមរដូវកាលមកម្ល៉េះ ក្រោយពីបង្ហាញទម្រង់លេងមិនល្អឲ្យក្រុមកាលពីរដូវកាលមុន ដោយអាចស៊ុតបញ្ចូលទី១គ្រាប់គត់ក្នុងលីគ។

Sanchez ក៏បានបង្ហាញខ្លួនផងដែរក្នុងតង់ទី២ នៃជំនួបដែល Inter Milan បានត្រឹមស្មើ Napoli ១-១ ធ្លាក់ក្នុងពានរង្វាន់ Coppa Italia កាលពីថៃ្ងសៅរ៍កន្លងទៅ។

បើតាម Dailymail បានចុះផ្សាយថា Ole មិនទាន់ដាច់ចិត្ដលក់ Sanchez តែម្ដងទេ ដោយលោកនឹងផ្ដល់ឱកាសឲ្យអតីតកីឡាកររបស់ Arsenal នេះ បញ្ចេញសមត្ថភាពសាជាថ្មី ប៉ុន្ដែរូបគេនឹងលេងក្នុងនាមជាកីឡាករបម្រុងប៉ុណ្ណោះ៕

ប្រភព៖ Dailymail

from： https://tnaot.com/km/m/detail/article/9384525