ភ្នំពេញ៖រថយន្តកូរ៉េដឹកដែកមួយគ្រឿងបោះពួយយ៉ាងលឿនជ្រុលទៅបុករថយន្តកំពុងឆ្លងផ្លូវពេញមួយទំហឹងបណ្ដាល់រងការខូចខាតយ៉ាងដំណំសំណាងល្អគ្មានអ្នករងរបួស បង្កភ្លាក់ផ្អើលដល់អ្នកធ្វើដំណើរតាមផ្លូវកាលពីវេលាម៉ោង១២និង៥០នាទីថ្ងៃទី២២ខែសីហាឆ្នាំ២០២០ស្ថិតនៅតាមបណ្ដោយផ្លូវភ្នំពេញហាណូយក្នុងសង្កាត់អូរបែកក្អមខណ្ឌសែនសុខ។

ប្រភពព័ត៌មាននៅកន្លែងកើតហេតុបានឲ្យដឹងថាមុនពេលកើតហេតុគេឃើញរថយន្តកាមរីហាយប្រ៊ីដមួយគ្រឿងពណ៌ទឹកប្រាក់ពាក់ស្លាកលេខភ្នំពេញ 2A-C0952 បើកបរដោយបុរសម្នាក់រួមដំណើរស្ត្រីម្នាក់ទៀតលក្ខណៈគ្រួសារធ្វើដំណើរក្នុងពីដៅពីត្បួងទៅជើងលុះមកដល់ផ្លូវររថភ្លើងរថយន្តក៏បត់មកខាងឆ្វេងដៃតែមិនទាន់ផុតផងភ្លាមនោះក៏មានរថយន្តកូរ៉េមួយគ្រឿងពណ៍ខៀវ

ពាក់ស្លាកលេខភ្នំពេញ 2AJ-9094 បើកបរដោយបុរសម្នាក់រួមដំណើរមានគ្នា៣-ទៅ៤ នាក់បើកលឿនហើយជាន់ហ្វ្រាំងមិនទាន់ក៏ជ្រុលទៅបុករថយន្តហាយប្រីដកំពុងឆ្លងផ្លូវពេញទំហឹងបណ្តាលឲ្យរថយន្តទាំងពីររងការខូចខាតផ្នែកខាងយ៉ាងដំណាំ។

ក្រោយកើតហេតុសមត្ថកិច្ចមូលដ្ឋានចុះទៅដល់កន្លែងកើតហេតុធ្វើការវាស់វែងរួចបើករថយន្តទាំងពីគ្រឿងអែបខាងឲ្យភាគីទាំងសងខាងធ្វើការសម្របសម្រួលគ្នាមួយជំហានសិន។ផេង ភាព

from： https://tnaot.com/km/m/detail/article/9615269