ប្រទេសចិនបានប្រកាសពីចំនួនអ្នកឆ្លងវីរុសថ្មីបំផុត គឺខ្ពស់ជាងគេជាប្រចាំថ្ងៃរបស់ខ្លួនក្នុងរយៈពេលជាងពីរខែមកនេះ បន្ទាប់ពីទីផ្សារលក់ចំណីអាហារ និងលក់ដុំធំបំផុតរបស់ទីក្រុងប៉េកាំង ត្រូវបានប្រកាសឲ្យបិទទ្វារ​ ក្រោយពីមានការកើនឡើងឆ្លងមេរោគ ។

គណៈកម្មការសុខាភិបាលជាតិចិន បានប្រកាសឲ្យដឹងកាលពីព្រឹកថ្ងៃទី១៤ ខែមិថុនា ឆ្នាំ២០២០ថា មានករណីឆ្លងកូវីដ​១៩ ចំនួន៥៧ករណីថ្មី នៅក្នុងប្រទេសចិន ក្នុងរយៈពេល ២៤ ម៉ោង គិតត្រឹមម៉ោងពាក់កណ្តាលអធ្រាត្រ ថ្ងៃទី១៣ ខែមិថុនា​ ឆ្នាំ២០២០ ។

នេះជាការឆ្លងកើនឡើងបំផុតប្រចាំថ្ងៃ ចាប់តាំងពីពាក់កណ្តាលខែមេសា ។ ក្នុងចំណោមអ្នកឆ្លងថ្មីទាំងនោះ មាន៣៦នាក់​ឆ្លងនៅក្នុងទីក្រុងប៉េកាំង ។

ការឆ្លងកើនឡើងនេះ​នាំឲ្យព្រួយបារម្ភថា វីរុសអាចវិលត្រឡប់មកវិញ នៅពេលការគ្រប់គ្រងប្រឆាំងនឹងកូវីដ១៩ មានសភាពធូរស្រាល ។

ផ្សារ Xinfadi នៅប៉ែកអាគ្នេយ៍ទីក្រុងប៉េកាំង ត្រូវបានបញ្ជាឲ្យបិទទ្វារកាលពីថ្ងៃទី១៣ ខែមិថុនា ហើយបរិវេណលំនៅដ្ឋានជិតខាងនោះ ត្រូវបានចាក់សោ ។ មនុស្ស ៥០ នាក់នៅក្នុងរាជធានីប៉េកាំងនេះ បានធ្វើតេស្ត៍វិជ្ជមានកូវីដ​១៩ ។ ទីក្រុងមួយនេះ​មានពលរដ្ឋរស់នៅប្រហែល ២០ លាននាក់។ នេះជាការរកឃើញ​ច្រើន​បំផុត​ក្នុងអំឡុងពេល​៥០ថ្ងៃកន្លងមកនេះ ។ 

ប្រទេសចិន ដែលជាកន្លែងជំងឺ​រាតត្បាតចាប់ផ្តើមវាយលុកដំបូងគេបំផុត កាលពីខែធ្នូ ឆ្នាំ២០១៩នោះ បានប្រកាសបន្ធូរបន្ថយ​​ ការរឹតត្បិត​ប្រឆាំងនឹងមេរោគ ក្រោយពីគណបក្សកុម្មុយនិស្តដែលកំពុងកាន់អំណាចបានប្រកាសជ័យជំនះទៅលើជំងឺកូវីដ​១៩កាលពីខែមីនា ឆ្នាំ២០២០ ។

អាជ្ញាធរបានបិទទ្វារសហគមន៍ចំនួន ១១ នៅជិតផ្សារ Xinfadi ។ ប៉ូលីសបានតំឡើងរបងព័ទ្ធជុំវិញពណ៌ស ដើម្បីបិទផ្លូវ ដោយទាំងចង្កោមអាគារផ្ទះល្វែងមួយចំនួនធំ ៕ ប្រែសម្រួលដោយ៖ thach yat

from： https://tnaot.com/km/m/detail/article/9378255