ភ្នំពេញ: រថយន្តពីរគ្រឿង បុកគ្នា បណ្តាលឱ្យជ្រុលទៅបុករះរថយន្ត និងម៉ូតូ៣គ្រឿង រងការខូចខាតយ៉ាងដំណំទាំងព្រឹកបង្កការភ្ញាក់ផ្អើលកាលពីវេលាម៉ោង ៨ និង៥០នាទីព្រឹក ថ្ងៃទី ២១ខែសីហា ឆ្នាំ ២០២០ ស្ថិតនៅលើផ្លូវ១៨៦ កែងផ្លូវ២៥៣ ត្រង់ចំណុចមុខឃ្លាំងលក់ម៉ូតូមួយកន្លែង ក្នុងសង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។

តាមប្រភពព័ត៌មានពី កន្លែងកើតហេតុ បានឲ្យដឹងថា នៅមុនពេលកើតហេតុ គេឃើញរថយន្ត ម៉ាក ព្រូសគ្មានស្លាកលេខធ្វើដំណើរតាមបណ្តោយផ្លូវ២៥៣ ទិសដៅពីជើងទៅត្បូង។ លុះមកដល់ចំណុចកើតហេតុ ស្រាប់តែមានរថយន្តមួយគ្រឿង ម៉ាក PEU-CEOT ធ្វើដំណើរតាមបណ្តោយផ្លូវ១៨៦

ជ្រុលទៅបុកពេញទំហឹង បណ្តាលឱ្យរថយន្តព្រូផ្លោង ទៅបុករថយន្តមួយគ្រឿងទៀត ដោយមិនទាន់អស់ល្បឿន ក៏បន្តបុកចូលទៅឃ្លាំងលក់ម៉ូតូ រួចបុកម៉ូតូរងការខូចខាត ៣គ្រឿង ទើបរថយន្តទៅមុខលែងរួច។ រីឯរថយន្តព្រូស១គ្រឿង រងការខូចខាតតិចតួច បានបើកចេញពីកន្លែងកើតហេតុ។

ក្រោយកើតហេតុ សមត្ថកិច្ច មូលដ្ឋាន បានមកដល់ទាក់ទង ជំនាញមកវាស់វែង យក រថយន្តទាំងពីរគ្រឿង និងម៉ូតូដែលខូចខាត ទៅដោះស្រាយបញ្ចប់រឿងនៅអធិការដ្ឋានខណ្ឌ៕ផេង ភាព

from： https://tnaot.com/km/m/detail/article/9610957