Sign In 
ភ្នំពេញ៖សមត្ថកិច្ចនគរបាលខណ្ឌឬស្សីកែវបានឃាត់ខ្លួនជនសង្ស័យ២នាក់បង្ក្រាបជាក់ស្តែងករណី ធ្វើអោយខូចខាតដោយចេតនា (យកសាំងដុតផ្ទះគេនៅថ្ងៃទី ២០ខែ សីហា ឆ្នាំ២០២០វេលាម៉ោង ៨និង៣០នាទីនៅចំណុច ផ្ទះគ្មានលេខ ផ្លូវ លំ ក្រុម៣ ភូមិ ខ២ សង្កាត់ ច្រាំងចំរេះ២ ខណ្ឌឬស្សីកែវ រាជធានីភ្នំពេញ។
តាមសាក្សីនៅកន្លែងកើតហេតុបានឲ្យដឹងថាមុនដំបូងឡើយគេឃើញ ជនសង្ស័យខាងលើ២នាក់បានឈ្លោះប្រកែកគ្នាមួយសន្ទុះក្រោយមកក៏មានផ្សែងហ៊ុយនិងឃើញជនសង្ស័យ២នាក់ដើរចេញក៏ត្រូវបានប្រជាពលរដ្ឋឃើញជួយពន្លត់ទាន់ពេលវេលាហើយបានស្រែកផ្អើរឆោរឡោដេញចាប់ជនសង្ស័យស្របពេលកម្លាំងល្បាតនៅក្រែរនោះឃើញជួយអន្តរាគមន៍ឃាត់បានជនសង្ស័យចំនួន២នាក់
លោកហ៊ាង ថារ៉េត អធិការនគរបាលខណ្ឌឬស្សីកែវបានឲ្យដឹងថា ជនរងគ្រោះឈ្មោះ តាំង សៀវតុង ភេទប្រុស អាយុ ៣២ ឆ្នាំ មានទីល៉នៅផ្ទះគ្មានលេខ ផ្លូវលំ ក្រុម៣ ភូមិខ២ សង្កាត់ ច្រាំងចំរេះ២ ខណ្ឌ ឫស្សីកែវ មុខរបរ កម្មករ ចំណែកជនសង្ស័យរួមមាន ១/ឈ្មោះ សេត រ៉ូសិត ភេទប្រុស អាយុ ២២ ឆ្នាំ មានទីលំនៅ ភូមិខ២ សង្កាត់ ច្រាំងចំរេះ២ ខណ្ឌឬស្សីកែវ មុខរបរមិនពិតប្រាកដ (មានសារធាតុញៀន)២/ឈ្មោះ ឡេះ រ៉ូសាលី ភេទប្រុស អាយុ២៣ ឆ្នាំ មានទីលំនៅភូមិ ខ២ សង្កាត់ ច្រាំងចំរេះ២ ខណ្ឌ ឫស្សីកែវ មុខរបរមិនពិតប្រាកដ (មានសារធាតុញៀន)សម្ភារះដកហូតមាន ១/ ដែកកេះចំនួន១ ដបទឹកសុទ្ធមានសាំងកន្លះដប ចំពោះមុខផ្នែកជំនាញខណ្ឌកំពុងស្រាវជ្រាវនិងបានកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីចាត់ការតាមនីតិវិធីច្បាប់។ ផេង ភាព
