យើងបានដឹងរួចហើយដែលក្លឹបបិសាចក្រហម Man Utd បានចាញ់ក្លឹប West Brom ក្នុងលទ្ធផល 2-1 ក្រោមក្របខណ្ឌ័មិត្តភាព មុនការប្រកួតផ្លូវការ Premier League មកដល់។ តែមិនមែនតែ Manchester United ទេដែលចាញ់ ក្លឹបមាន់ខ្នាយមាស Tottenham ក៏ចាញ់ផងដែរ។

បើយោងតាម Goal ក្លឹប Tottenham Hotspurs បានទទួលរងបរាជ័យក្នុងលទ្ធផល2-1 ទៅកាន់ក្លឹប Norwich City ដែលនៅបាតៗតារាង។ ក្នុងការប្រកួតនេះផងដែរ យើងឃើញថា Jose Morinho បានដាក់កីឡាករឈុតធំច្រើន ម្យ៉ាងទៀត Harry Kane ដែលអវត្តមានជាយូរនោះ ក៏បានវិលត្រឡប់ចូលលេងវិញផងដែរ ក្រោយអវត្តមានតាំងពីចូលឆ្នាំថ្មី២០២០ មក។

គួររម្លឹកផងដែរ ក្លឹបដែលចាញ់មិត្តភាពទាំងពីរនេះគឺ Man Utd និង Spurs នឹងត្រូវប៉ះគ្នាមែនទែនក្នុងក្របខណ្ឌ័Premier League នៅយប់ថ្ងៃ ១៩ ខែមិថុនាខាងមុខ។

from： https://tnaot.com/km/m/detail/article/9373432