Sign In 
តំបន់ឆ្នេរជាប់ៗគ្នាចំនួន៥មានដូចជា៖ «ឆ្នេរពយតាបារាំង» «ឆ្នេរ ពយយាយម៉ី» «ឆ្នេរ ពយតេជោ» «ឆ្នេរ ខ្សាច់សរ» និង«ឆ្នេរ ពយតាឈួន» ស្ថិតនៅក្នុងឃុំកែងផុស ស្រុកស្ទឹងហាវ ខេត្តព្រះសីហនុ កំពុងត្រូវបានចាប់អារម្មណ៍ទៅលេងកំសាន្តក្នុងពេលឈប់សម្រាកនេះពីសំណាក់ភ្ញៀវជិតឆ្លាយផងដែរ។
ប្រជាពលរដ្ឋដែលអញ្ជើញទៅលេងមានការចាប់អារម្មណ៍យ៉ាងខ្លាំងថា មានខ្សាច់.ស ឆ្នេរស្អាត អនាម័យ បរិស្ថានល្អ ជាពិសេសអាហារតាមបែបលក្ខណៈគ្រួសារងាយៗ ដោយភាគច្រើនអាចរៀបចំពីផ្ទះយកទៅហូបលេងកំសាន្តបាន ចំពោះកន្លែងលក់ដូរក៏មានតម្លៃសមរម្យផងដែរ ។
បើលោកអ្នកធ្វើដំណើរមកពីភ្នំពេញតាមផ្លូវជាតិលេខ៤ រួចបត់ចូលតាមផ្លូវកំពង់ផែឧញ៉ាម៉ុង នៅចំណុចភូមិតា នៃទិសដៅពីខេត្តព្រះសីហនុ
បន្ទាប់មកហួសទៅប្រជុំផ្សារវាលរេញ រួចចូលតាមផ្លូវសម្តេចសង្ឈរាជ្យ (វាលរេញ-ស្ទឹងហាវ) លុះមកដល់ចំណុចផ្លូវល្បឿនលឿនបត់ស្តាំទៀតនឹងទៅដល់តំបន់ឆ្នេរនោះមិនខានឡើយ៕ដោយ៖ត្នោត
