អតីតគ្រូបង្វឹកឈុតធំក្រុមកាំភ្លើងធំ Arsenalលោក Arsene Wenger បានបង្ហាញពីការស្តាយក្រោយរបស់លោក និងភាពមិនសប្បាយចិត្តរបស់លោកនៅពេលដែល Gnabryសម្រេចចិត្តថាចាកចេញពីក្លឹប Arsenal កាលពីឆ្នាំ២០១៦។ 

លោកនិយាយថា Gnabry ពិតជាមានទេពកោសល្យខ្លាំង ដូចនេះទើបលោកទិញគាត់មកក្លឹប Arsenal កាលគាត់វ័យត្រឹម ១៥ឆ្នាំមកពីក្លឹប Stuttgart។ តែលោកថា Gnabryមានបញ្ហារបួសញឹកញាប់ពេក កាលពីពេលនោះទើបមិនសូវបានបង្ហាញសមត្ថភាពខ្លួន។

លោកនិយាយថា៖ “គាត់អាចស៊ុតបញ្ចូលទីបាន ទាំងជើងឆ្វេង ទាំងជើងស្តាំ មានការវាយសម្រុកយ៉ាងល្អ មានកម្លាំងរាងកាយមាំមួន។ ខ្ញុំដឹងតាំងពីនោះថា គាត់នឹងក្លាយជាកីឡាករកំពូលម្នាក់បើសិនគាត់មិនរបួសញឹកញាប់ទេនោះ។”

គួរបញ្ជាក់ផងដែរថា Gnabry ចាប់ផ្តើមស្ថិតក្នុងក្រសែភ្នែករបស់មនុស្សគ្រប់គ្នាដោយសារតែGnabry ទើបតែបានជួយ Bayern Munich ឡើងវគ្គផ្តាច់ព្រ័ត្រ្ត Champion League ដោយបានបំបាក់ Lyon ក្នុងលទ្ធផល ៣ទល់នឹង០។

ប្រភព៖ Goal.com

from： https://tnaot.com/km/m/detail/article/9608101