​ភ្នំពេញ​ ៖​ បុរសម្នាក់បានរងរបួសធ្ងន់ត្រូវបានរថយន្តសាមុយដឹកបញ្ចូនទៅកាន់មន្ទីពេទ្យភ្លាមៗ​ បន្ទាប់ពីជិះម៉ូតូយ៉ាងលឿនជ្រុលទៅបុករថយន្តស៊េរីទំនើបម៉ាកOD Q7 ចំពីចំហៀងខាងមុខពេញទំហឹង បង្កការភ្ញាក់ផ្អើលដល់អ្នកដំណើរកាលពីវេលាម៉ោង១១​ និង៣០នាទីយប់​ ថ្ងៃទី១៩​ ខែសីហា​ ឆ្នាំ​២០២០​ នៅចំណុចមុខ​ មហាវិទ្យាល័យ​ សង្គមសាស្ត្រ​ និងមនុស្សសាស្ត្រ​ តាមបណ្ដោយផ្លូវសហព័ន្ធរុស្ស៊ី​ ក្នុងសង្កាត់អូរបែកក្អម​ ខណ្ឌសែនសុខ​ រាជធានីភ្នំពេញ​ ។

​យោងតាមប្រភពពីប្រជាពលរដ្ឋដែលឃើញហេតុការណ៍នេះបានប្រាប់ឲ្យដឹងថា​ ដំបូងគេឃើញរថយន្តស៊េរីទំនើបម៉ាកOD Q7​ ពណ៌ខ្មៅ​ ពាក់ស្លាកលេខភ្នំពេញ​ 2AK-6966 ដែលបើកបរដោយបុរសម្នាក់ជាជនជាតិចិន​ និងនារីម្នាក់ជាជនជាតិខ្មែររួមដំណើរជាមួយ​គ្មាធ្វើដំណើរតាមបណ្ដោយផ្លូវសហព័ន្ធរុស្ស៊ី​ ទិសដៅពីលិចទៅកើត​ ខណៈមកដល់ចំណុចកើតហេតុក៏បានបត់ត្រឡប់ក្រោយវិញ​មិនទាន់ផុតផងនោះ ស្រាប់តែមានបុរសម្នាក់ជិះម៉ូតូមួយគ្រឿងម៉ាក​ MSX ពណ៍ក្រហមគ្មានស្លាកលេខ​ មកពីក្រោយយ៉ាងលឿនបានបុករថយន្តខាងលើចំពីហៀងក្បាលខាងឆ្វេងពេញទំហឹង បណ្ដាលឲ្យបុរសម្នាក់ភាគីខាងម៉ូតូរងរបួសធ្ងន់​ រីឯម៉ូតូគៀបជាប់ជាមួយរថយន្តរងការខូចខាតយ៉ាងដំណំ​ ។

​ក្រោយកើតហេតុ​ ជនរងគ្រោះម្ចាស់ម៉ូតូត្រូវបានរថយន្តសាមុយដឹកបញ្ចូនយកទៅសង្គ្រោះនៅឯមន្ទីពេទ្យភ្លាមៗ​ ចំណែកតៃកុងរថយន្តខាងលើក៏ត្រូវបានសមត្ថកិច្ចឃាត់ខ្លួនបញ្ចូនទៅកាន់ប៉ុស្ដិ៍នគរបាលរដ្ឋបាល​ អូរបែកក្អម។ក្រោយកើតហេតុសមត្ថកិច្ចមូលដ្ឋានចុះទៅដល់ទីតាំងកន្លែងកើតហេតុបានទំនាក់ទំនងទៅខាងជំនាញចរាចរណ៍ផ្លូវគោកនៃស្នងការនគរបាលរាជធានីភ្នំពេញចុះមកដល់ទីតាំងកន្លែងកើតហេតុដើម្បីធ្វើការវាស់វែងយកម៉ូតូនិងរថយន្តទៅរក្សាទុករង់ចាំដោះស្រាយគ្នានៅពេលក្រោយ។ដោយ ផេង ភាព

from： https://tnaot.com/km/m/detail/article/9607274